ദില്ലി : സൗത്ത് ദില്ലി മുനിസിപ്പല്‍ കോര്‍പ്പറേഷന്റെ (എസ്ഡിഎംസി) സ്റ്റാന്‍ഡിംഗ് കൗണ്‍സില്‍ യോഗത്തില്‍ ദില്ലിയിലെ ശുചിത്വ പ്രവര്‍ത്തനങ്ങള്‍ സ്വകാര്യവത്കരിക്കുന്നതിനുള്ള നിര്‍ദ്ദേശം കൊണ്ടുവരാനുള്ള പദ്ധതിയെച്ചൊല്ലി സെന്‍ട്രല്‍ ദില്ലിയിലെ സിവിക് സെന്ററില്‍ പാര്‍ട്ടി പ്രവര്‍ത്തകര്‍ പ്രതിഷേധിച്ചതിനെ തുടര്‍ന്ന് നാല് ആം ആദ്മി പാര്‍ട്ടി എംഎല്‍എമാര്‍ക്കെതിരെ ദില്ലി പോലീസ് എഫ്ഐആര്‍ രജിസ്റ്റര്‍ ചെയ്തു.
ഉച്ചയ്ക്ക് ഒരു മണിയോടെ ആരംഭിച്ച പ്രതിഷേധത്തില്‍ ആം ആദ്മി എംഎല്‍എമാര്‍ക്കൊപ്പം രണ്ടായിരത്തോളം ശുചിത്വ പ്രവര്‍ത്തകര്‍ പങ്കെടുത്തതായി പോലീസ് പറഞ്ഞു. ‘പ്രതിഷേധക്കാരെ റോഡ് തടയുന്നതില്‍ നിന്ന് പോലീസ് തടയാന്‍ ശ്രമിച്ചപ്പോള്‍ അവര്‍ പൊലീസുമായി ഏറ്റുമുട്ടി. ഒന്‍പത് പോലീസുകാര്‍ക്ക് പരിക്കേറ്റു. കമല മാര്‍ക്കറ്റ് എസിപിക്ക് വിരലുകളില്‍ ഒടിവുണ്ടായി,’ മുതിര്‍ന്ന പോലീസ് ഉദ്യോഗസ്ഥന്‍ പറഞ്ഞു.
കമല മാര്‍ക്കറ്റില്‍ ഇന്ത്യന്‍ പീനല്‍ കോഡിലെ വിവിധ വകുപ്പുകള്‍ പ്രകാരം ദില്ലി പോലീസ് പിന്നീട് നാല് ആം ആദ്മി എംഎല്‍എമാരായ കുല്‍ദീപ് മോനു (കോണ്ട്‌ലി), രാഖി ബിഡ്ലാന്‍ (മംഗോളപുരി), അഖിലേഷ് ത്രിപാഠി (മോഡല്‍ ടൗണ്‍), രോഹിത് മഹ്റോലിയ (തിര്‍ലോക്പുരി) എന്നിവര്‍ക്കെതിരെ എഫ്ഐആര്‍ രജിസ്റ്റര്‍ ചെയ്തു.
Post Your Comments