കൊച്ചി: പാലാരിവട്ടം പാലം അഴിമതി കേസില്‍ അറസ്റ്റിലായ മുന്‍മന്ത്രി വി.കെ. ഇബ്രാഹിം കുഞ്ഞിനെ മെഡിക്കല്‍ ബോര്‍ഡ് പരിശോധിച്ചു കഴിഞ്ഞു. ലേക്ഷോർ ആശുപത്രിയിൽ ചികിത്സയിൽ കഴിയുന്ന അദ്ദേഹത്തെ എറണാകുളം ജനറല്‍ ആശുപത്രി സൂപ്രണ്ട് അനിതയുടെ നേതൃത്വത്തിലുള്ള സംഘമാണ് പരിശോധിക്കുകയുണ്ടായത്.
ഇബ്രാഹിം കുഞ്ഞിൻെറ ആരോഗ്യസ്ഥിതി പരിശോധിക്കാന്‍ ജില്ല മെഡിക്കല്‍ ഓഫിസറോട് മൂവാറ്റുപുഴ വിജിലന്‍സ് കോടതി കഴിഞ്ഞ ദിവസം ഉത്തരവ് നൽകിയിരുന്നു. ഇതിൻെറ ഭാഗമായാണ് ജനറല്‍ ആശുപത്രി സൂപ്രണ്ട് അടങ്ങിയ ആറംഗ മെഡിക്കല്‍ ബോർഡ് രൂപവത്കരിച്ചത്. സംഘം ആശുപത്രിയിലെത്തി രണ്ടര മണിക്കൂറോളം പരിശോധന നടത്തി. അവിടെയുള്ള ഡോക്ടർമാരുമായും സംസാരിച്ചു. ഇബ്രാഹിം കുഞ്ഞിൻെറ ശാരീരിക, മാനസിക ആരോഗ്യനിലയാണ് പരിേശോധനാവിധേയമാക്കിയിരിക്കുന്നത്. മെഡിക്കൽ ബോർഡ് ചേർന്ന് ചൊവ്വാഴ്ചക്കകം കോടതിയില്‍ റിപ്പോർട്ട് സമർപ്പിക്കുമെന്ന് ഡോ. അനിത മാധ്യമങ്ങളോട് പറഞ്ഞു.
Post Your Comments