Latest NewsNewsIndia

ദില്ലി കലാപം ; ഷാര്‍ജീല്‍ ഇമാം അടക്കം മൂന്നു പേര്‍ക്കെതിരെ പുതിയ കുറ്റപത്രം സമര്‍പ്പിച്ച് പൊലീസ് 

ദില്ലി : ദില്ലി കലാപ കേസില്‍ ഉമര്‍ ഖാലിദ്, ഷാര്‍ജീല്‍ ഇമാം, ഫൈസാന്‍ ഖാന്‍ എന്നിവര്‍ക്കെതിരെ കുറ്റപത്രം സമര്‍പ്പിച്ച് ദില്ലി പൊലീസ്. കലാപത്തിന് പിന്നിലെ വലിയ ഗൂഢാലോചനയുമായി ബന്ധപ്പെട്ട് നിയമവിരുദ്ധ പ്രവര്‍ത്തന ആക്റ്റ്, ഇന്ത്യന്‍ പീനല്‍ കോഡ് എന്നീ വകുപ്പുകള്‍ പ്രകാരമാണ് കുറ്റപത്രം സമര്‍പ്പിച്ചിരിക്കുന്നത്.

കെജ്രിവാള്‍ സര്‍ക്കാരില്‍ നിന്ന് പ്രോസിക്യൂഷന്‍ അനുമതി ലഭിച്ച് ഏതാനും ദിവസങ്ങള്‍ക്കുള്ളില്‍ ആണ് വലിയ ഗൂഢാലോചന കോണിലെ അനുബന്ധ കുറ്റപത്രം സമര്‍പ്പിച്ചിരിക്കുന്നത്. 930 പേജുകളാണ് കുറ്റപത്രത്തിലുള്ളത്. അതില്‍ 733 പേജുകളുടെ ഇലക്ട്രോണിക് ഡാറ്റയുടെ രേഖകളുണ്ട്. രാജ്യദ്രോഹം, ക്രിമിനല്‍ ഗൂഢാലോചന, കൊലപാതകം, കൊലപാതകശ്രമം, മതവിശ്വാസത്തിന്റെ അടിസ്ഥാനത്തില്‍ വിവിധ ഗ്രൂപ്പുകള്‍ക്കിടയില്‍ ശത്രുത വളര്‍ത്തുക, കലാപം, തെളിവുകളുടെ നാശം, തെറ്റായ നിയന്ത്രണം, വിഭാഗങ്ങള്‍ അല്ലെങ്കില്‍ ആക്രമണം, വഞ്ചന, അഗ്‌നിബാധ അല്ലെങ്കില്‍ സ്ഫോടകവസ്തു, അതിക്രമം, വ്യാജരേഖ, ആയുധ നിയമം, നിയമവിരുദ്ധമായ പ്രതിരോധ നിയമത്തിലെ നാല് വിഭാഗങ്ങള്‍ മുതലായ വകുപ്പുകളാണ് കുറ്റപത്രത്തില്‍ ഇവര്‍ക്കെതിരെ ചുമത്തിയിരിക്കുന്നത്.

ഫെബ്രുവരിയിലാണ് രാജ്യത്തെ നടുക്കിയ വര്‍ഗീയകലാപം ദില്ലിയിലെ തെരുവുകളില്‍ അരങ്ങേറിയത്. മൂന്ന് പതിറ്റാണ്ടിനിടെ, ദില്ലി കണ്ട ഏറ്റവും അക്രമം നിറഞ്ഞ നാളുകളായിരുന്നു അത്. നിരവധി വീടുകള്‍ തീ വച്ച് നശിപ്പിക്കപ്പെട്ടു. ഔദ്യോഗിക കണക്കില്‍ 53 പേര്‍ കൊല്ലപ്പെട്ടു.

Related Articles

Post Your Comments


Back to top button