കോവിഡ് വാക്സിൻ വികസനം വിലയിരുത്താൻ‌ പ്രധാനമന്ത്രി അഹമ്മദാബാദിൽ എത്തി

ഡൽഹി: രാജ്യത്ത് ആകെ കൊവിഡ് രോ​ഗികളുടെ എണ്ണം 93, 51,110 ആയി ഉയർന്നു.കഴിഞ്ഞ 24 മണിക്കൂറിനിടെ 41,322 പേർക്കാണ് പുതിയതായി രോ​ഗം സ്ഥിരീകരിച്ചത്. ഇന്നലെ 485 പേർ കൂടി മരിച്ചതോടെ ആകെ രോ​ഗം ബാധിച്ച് മരിച്ചവരുടെ എണ്ണം 1,36,200 ആയി ഉയർന്നു. 87,59,969 പേരാണ് ഇതുവരെ കോവിഡ് രോ​ഗമുക്തി നേടിയത്.

അതിനിടെ, കൊവിഡ് വാക്സിൻ നിർമ്മാണം നേരിട്ട് വിലയിരുത്താൻ പ്രധാനമന്ത്രി നരേന്ദ്ര മോദി അഹമ്മദാബാദിൽ എത്തി. അഹമ്മദാബാദിലെ സൈക്കോവിഡ് വാക്സിൻ വികസനം വിലയിരുത്തി. അതേസമയം, ഡൽഹിയിൽ വീടുകൾ തോറുമുള്ള സർവ്വേയിൽ പങ്കെടുത്ത 17 സന്നദ്ധ പ്രവർത്തകർക്ക് കൊവിഡ് സ്ഥിരീകരിച്ചു.