Latest NewsNewsSaudi ArabiaGulf

സൗദിയിൽ നാട് കടത്തല്‍; കൂടുതൽ പ്രവാസികൾ നാട്ടിലേക്ക് മടങ്ങി

സൗദിയിൽ നാട് കടത്തല്‍ കേന്ദ്രത്തില്‍ കഴിഞ്ഞിരുന്ന ഇരുന്നൂറ്റി അറുപത്തിയെട്ട് പേര്‍ കൂടി നാട്ടിലേക്ക് മടങ്ങി.റിയാദ് തര്‍ഹീലില്‍ കഴിഞ്ഞിരുന്ന മലയാളികള്‍ ഉള്‍പ്പെടുന്ന സംഘം റിയാദില്‍ നിന്നും ഡല്‍ഹിയിലേക്കാണ് യാത്രയായിരിക്കുന്നത്. ഈ ആഴ്ച ഇത് രണ്ടാമത്തെ സംഘമാണ് നാടണയുന്നത്. തിങ്കളാഴ്ച 290 പേരടങ്ങുന്ന മറ്റൊരു സംഘവും മടങ്ങിയിരുന്നു. ഇതോടെ കോവിഡിന് ശേഷം നാട്കടത്തല്‍ കേന്ദ്രം വഴി ഇന്ത്യയിലേക്ക് തിരിച്ചവരുടെ എണ്ണം മൂവായിരത്തി ഇരുന്നൂറ്റി മുപ്പത്തിയൊന്നായി. ഡല്‍ഹിയിലെത്തുന്ന ഇവരെ അതത് സംസ്ഥാനങ്ങളിലേക്ക് എത്തിക്കുകയാണ് ചെയ്യുക.

ഇതോടെ കോവിഡ് വൈറസ് യാത്രാ നിയന്ത്രണങ്ങള്‍ക്ക് ശേഷം സൗദി സര്‍ക്കാര്‍ നാട് കടത്തിയ ഇന്ത്യക്കാരുടെ എണ്ണം 3231 ആയി. താമസ രേഖ പുതുക്കാത്തവര്‍, ഹുറൂബ് അഥവാ ഒളിച്ചോടിയവര്‍, തൊഴില്‍ നിയമലംഘനം നടത്തിയവര്‍ എന്നിവരെയാണ് പിടികൂടി നാട്കടത്തല്‍ കേന്ദ്രം വഴി സ്വദേശങ്ങളിലേക്ക് മടക്കി അയക്കുന്നത്.

shortlink

Related Articles

Post Your Comments

Related Articles


Back to top button