Latest NewsKeralaNews

തദ്ദേശ തെരഞ്ഞെടുപ്പ് : സിപിഎം നേതാവിനെ പരാജയപ്പെടുത്തിയ സ്ഥാനാര്‍ഥിയുടെ കടയ്ക്ക് തീയിട്ടു

മലപ്പുറം: പുറത്തൂര്‍ പഞ്ചായത്തില്‍ സിപിഎം നേതാവിനെ പരാജയപ്പെടുത്തിയ സ്ഥാനാര്‍ഥിയുടെ കടക്ക് തീയിട്ടു. 17ാം വാര്‍ഡായ എടക്കനാടില്‍നിന്ന് വിജയിച്ച പനച്ചിയില്‍ നൗഫലിന്റെ കാവിലക്കാടുള്ള കാറ്ററിങ് സര്‍വീസ് കടക്കാണ് ബുധനാഴ്ച രാത്രി പത്തുമണിയോടെ തീയിട്ടത്. സി.പി.എം. പ്രവര്‍ത്തകരാണ് അക്രമം നടത്തിയതെന്ന് യു.ഡി.എഫ്. നേതാക്കള്‍ പറഞ്ഞു.

Read Also : സംസ്ഥാനത്ത് പത്ത്, പന്ത്രണ്ട് ക്ലാസുകൾ തുറക്കുന്നതിലും പരീക്ഷാ നടത്തിപ്പിലും തീരുമാനം ഇന്ന്

സി.പി.എമ്മിന്റെ മുതിര്‍ന്ന നേതാവ് കെ.വി. സുധാകരനെ ഇരുനൂറിലേറെ വോട്ടുകള്‍ക്കാണ് നൗഫല്‍ പരാജയപ്പെടുത്തിയത്. ഫലം പ്രഖ്യാപിച്ച ശേഷം സിപിഎം പ്രവര്‍ത്തകര്‍ നൗഫലിന്റെ വീട്ടില്‍വന്ന് അസഭ്യം പറഞ്ഞതായും പരാതിയുണ്ട്.കട കത്തി നശിച്ചതിനൊപ്പം തീ സമീപത്തെ തെങ്ങുകളിലേക്കും ആളിപ്പടരാന്‍ തുടങ്ങിയതോടെ നാട്ടുകാര്‍ തീയണയ്ക്കാന്‍ തുടങ്ങി. തിരൂരില്‍നിന്ന് അഗ്‌നിരക്ഷാസേനയുമെത്തി.

shortlink

Related Articles

Post Your Comments

Related Articles


Back to top button