KeralaNattuvarthaLatest NewsNews

15 സീറ്റിൽ 9ഉം സ്വന്തമാക്കി എൽ.ഡി.എഫ്, പക്ഷേ പ്രസിഡന്റ് ആകുന്നത് 1 സീറ്റ് മാത്രം നേടിയ ബിജെപി !

15 വാർഡുകളുള്ള കാഞ്ചിയാർ പഞ്ചായത്തിൽ 9 സീറ്റുകളിൽ എൽഡിഎഫ് ജയിച്ചെങ്കിലും പ്രസിഡന്റ് പദവി അലങ്കരിക്കാൻ അവർക്കായില്ല. പഞ്ചായത്തിലെ ഏക ബിജെപി അംഗമാണ് ഇവിടെ പ്രസിഡന്റ് ആവുക. പട്ടികജാതി വിഭാഗത്തിന് പ്രസിഡന്റ് സ്ഥാനം സംവരണം ചെയ്തിരിക്കുന്ന പഞ്ചായത്താണിത്. തെരഞ്ഞെടുപ്പിൽ ഇവിടെ ഈ വിഭാഗത്തിൽപെട്ടവർ എൽഡിഎഫിന്റെ പക്ഷത്തുനിന്നും വിജയിച്ചില്ല. ഇതാണ് പഞ്ചായത്ത് നേടിയിട്ടും പ്രസിഡന്റ് സ്വന്തമാക്കാൻ എൽഡിഎഫിനു സാധിക്കാതെ പോയത്.

ഈ വിഭാഗത്തിൽ നിന്നുള്ള 4 പേരാണ് പഞ്ചായത്ത് മേഖലയിൽ മത്സരിച്ചത്. അവരിൽ നരിയമ്പാറ വാർഡിൽ മത്സരിച്ച ബിജെപി സ്ഥാനാർഥി കെ.സി.സുരേഷ് മാത്രമാണു ജയിച്ചത്. മറ്റുള്ളവരെല്ലാം തോറ്റു. അതോടെ പഞ്ചായത്തിലെ ഏക ബിജെപി അംഗമായ കെ.സി.സുരേഷിന് പ്രസിഡന്റ് പദവിയിലേക്കുള്ള വഴി തുറക്കുകയായിരുന്നു.

shortlink

Related Articles

Post Your Comments

Related Articles


Back to top button