KeralaLatest NewsNews

കുടിശ്ശിക അടച്ചു തീർക്കാത്തവരുടെ ഫ്യൂസ് ഊരാൻ ഒരുങ്ങി കെ എസ് ഇ ബി

തിരുവനന്തപുരം: ലോക്ഡൗണ്‍ കാലത്ത് ഉപയോക്താക്കളില്‍ നിന്ന് 700 കോടിയോളം രൂപയുടെ കുടിശിക പിരിഞ്ഞു കിട്ടാനുണ്ടെന്ന് കെഎസ്‌ഇബി.നാളെ വരെ കുടിശ്ശിക അടച്ചു തീര്‍ക്കാത്തവരുടെ ഫ്യൂസ് ഊരുന്നതിന് നോട്ടിസ് നല്‍കുമെന്നും വൈദ്യുതി ബോര്‍ഡ് ചെയര്‍മാന്‍ എന്‍ എസ് പിള്ള പറഞ്ഞു.

Read Also : രാജ്യത്ത് വീണ്ടും ജനിതക മാറ്റം സംഭവിച്ച കോവിഡ് കേസുകൾ സ്ഥിരീകരിച്ചു

ഇതില്‍ ഭൂരിപക്ഷവും വ്യവസായ,വാണിജ്യ ഉപയോക്താക്കളാണ്. അവര്‍ക്ക് കുടിശിക നാലോ അഞ്ചോ ഗഡുക്കളായി അടയ്ക്കാന്‍ സാവകാശം നല്‍കാന്‍ ബോര്‍ഡ് തയ്യാറാണ്. അങ്ങനെ സാവകാശം വാങ്ങിയവരുടെ ഫ്യൂസ് ഊരില്ലെന്നും എന്‍ എസ് പിള്ള അറിയിച്ചു.

പുറത്തു നിന്നു വൈദ്യുതി വാങ്ങുന്നതിനു പണം വേണമെന്നതിനാല്‍ കുടിശിക പിരിക്കാതെ നിവൃത്തിയില്ല. സംസ്ഥാനത്ത് 5 കോടി എല്‍ഇഡി ബള്‍ബുകള്‍ വിതരണം ചെയ്ത് 250 മെഗാവാട്ട് ലാഭിക്കാനാണു ബോര്‍ഡ് ലക്ഷ്യമിട്ടിരിക്കുന്നത്. ഇതില്‍ 9 വാട്‌സിന്റെ ഒരു കോടി എല്‍ഇഡി ബള്‍ബാണ് ഇപ്പോള്‍ നല്‍കുന്നത്. 65 രൂപ വിലയുള്ള ഇതിനു മൂന്നു വര്‍ഷത്തെ വാറന്റിയുണ്ടെന്നും ചെയര്‍മാന്‍ അറിയിച്ചു.

shortlink

Related Articles

Post Your Comments

Related Articles


Back to top button