Latest NewsNewsCrime

കുട്ടബലാത്സംഗത്തിനിരയായ പെണ്‍കുട്ടിയുടെ മൃതദേഹം റെയില്‍വെ ട്രാക്കില്‍

അലിഗഡ്: കുട്ടബലാത്സംഗത്തിനിരയായ പ്രായപൂര്‍ത്തിയാകാത്ത പെണ്‍കുട്ടിയുടെ മൃതദേഹം റയില്‍വെ ട്രാക്കില്‍ നിന്നും കണ്ടെത്തിയിരിക്കുന്നു. അലിഗഡിലെ ഗാന്ധി പാര്‍ക്കിന് സമീപത്തെ റെയില്‍വെ ട്രാക്കിന് സമീപത്തുവച്ചാണ് പതിനാറുകാരിയുടെ മൃതദേഹം കണ്ടെത്തിയിരിക്കുന്നത്. പ്രതികൾക്കായുള്ള അനേഷണം തുടരുകയാണെന്നു പൊലീസ് പറഞ്ഞു.

ഞായറാഴ്ച രാവിലെയാണ് വീട്ടില്‍ നിന്ന് പെണ്‍കുട്ടിയെ കാണാതാകുകയാണ് ഉണ്ടായത്. പെണ്‍കുട്ടിയെ വിട്ടുകിട്ടണമെങ്കില്‍ 5ലക്ഷം രൂപയാണ് തട്ടിക്കൊണ്ടുപോയവര്‍ ആവശ്യപ്പെടുകയുണ്ടായത് . ഇല്ലെങ്കില്‍ പെണ്‍കുട്ടിയുടെ വീഡിയോ സമൂഹമാധ്യമങ്ങളില്‍ പ്രചരിപ്പിക്കുമെന്നും ഇവര്‍ ഭീഷണിപ്പെടുത്തി.

തിങ്കളാഴ്ചയാണ് കുട്ടിയെ കാണാനില്ലെന്ന് പറഞ്ഞ് വീട്ടുകാര്‍ പൊലീസില്‍ പരാതി നല്കുകയുണ്ടായി. അതിനിടെയാണ് ഗാന്ധിനഗറിന് സമീപം അജ്ഞാത മൃതദേഹം കണ്ടെത്തിയ വിവരം പൊലീസ് വീട്ടുകാരെ അറിയിച്ചത് . എന്നാല്‍ അതേസമയം അവിടെവരെ പോയി മൃതദേഹം തിരിച്ചറിയുന്നതിനാവശ്യമായ പണം അവരുടെ കൈവശമില്ലായിരുന്നു. പെണ്‍കുട്ടിയുടെ മൃതദേഹത്തിന് സമീപത്തുനിന്നും ആത്മഹത്യാക്കുറിപ്പ് കിട്ടിയതായും പൊലീസ് പറഞ്ഞു.

സംഭവവുമായി ബന്ധപ്പെട്ട് മൂന്ന് പേര്‍ക്കെതിരെയാണ് പെണ്‍കുട്ടിയുടെ കുടുംബം പരാതി നൽകിയിരിക്കുന്നത്. ഇവര്‍ക്കെതിരെ കൊലപാതകക്കുറ്റം, പോക്‌സോ വകുപ്പുകള്‍ പ്രകാരം കേസ് എടുത്തതായും പൊലീസ് പറഞ്ഞു. വിശദമായ അന്വേഷണം നടക്കുകയാണെന്നും കേസില്‍ കുറ്റവാളികള്‍ രക്ഷപ്പെടില്ലെന്നും പൊലീസ് പറഞ്ഞു.

Related Articles

Post Your Comments


Back to top button