കൊടുങ്ങല്ലൂർ: ശ്രീനാരായണപുരം പടിഞ്ഞാറെ വെമ്പല്ലൂരിൽ തെരുവ് നായയുടെ കടിയേറ്റു പിഞ്ചു ബാലൻ ഉൾപ്പെടെ 3 പേർക്കു പരുക്കേറ്റു.ടിഞ്ഞാറെ വെമ്പല്ലൂർ ശ്രീകൃഷ്ണ മുഖം ക്ഷേത്രത്തിനു പടിഞ്ഞാറു വശം കിഴക്കേടത്ത് രാജേഷിന്റെ മകൻ അഭിജിത്ത് (4), പടിഞ്ഞാറ്റു പറമ്പിൽ അനിൽ കുമാറിന്റെ മകൾ അഖില (15), കളത്തിൽ സിദ്ധൻ (45) എന്നിവർക്കാണു കടിയേറ്റത്. ഇന്നലെ രാവിലെയായിരുന്നു ആക്രമണം.
7 നായ്കൾക്കും വളർത്തു മൃഗങ്ങൾക്കും കടിയേറ്റു. ആക്രമിച്ച നായയെ തളിക്കുളം അനിമൽ സ്ക്വാഡ് പ്രവർത്തകർ പിടിച്ചു. നായ്ക്ക് പേ വിഷ ബാധയുള്ളതായി ഡോക്ടർമാർ സ്ഥിരീകരിച്ചു. പരിക്കേറ്റ എല്ലാവരെയും തൃശൂർ മെഡിക്കൽ കോളജ് ആശുപത്രിയിൽ ചികിത്സയ്ക്കു വിധേയമാക്കി.
Post Your Comments