ജോ ബൈഡനെ അഭിനന്ദിച്ച് പ്രധാനമന്ത്രി നരേന്ദ്ര മോദി, ഇന്ത്യയും അമേരിക്കയും കൂടുതല്‍ ഉയരങ്ങളിലേയ്ക്ക്

ന്യൂഡല്‍ഹി : അമേരിക്കയുടെ 46-ാമത് പ്രസിഡന്റായി സത്യപ്രതിജ്ഞ ചെയ്ത് അധികാരമേറ്റ ജോ ബൈഡനെ അഭിനന്ദിച്ച് പ്രധാനമന്ത്രി നരേന്ദ്ര മോദി. തന്റെ ട്വീറ്റിലൂടെയാണ് മോദി അഭിന്ദനം അറിയിച്ചത്. ഇന്ത്യ- യു.എസ് ബന്ധം കൂടുതല്‍ ഉയരങ്ങളിലെത്താന്‍ ബൈഡനോടൊപ്പം ഒരുമിച്ച് പ്രവര്‍ത്തിക്കാന്‍ ആഗ്രഹിക്കുന്നതായി നരേന്ദ്രമോദി ട്വീറ്റില്‍ പറഞ്ഞു. ലോകം നേരിടുന്ന പൊതുവായ വെല്ലുവിളികള്‍ക്കും സുരക്ഷയ്ക്കും സമാധാനത്തിനും ഒറുമിച്ച് നില്‍ക്കാമെന്നും മോദി പ്രതീക്ഷ പങ്കുവച്ചു. നേരത്തെ യു.എസ് തിരഞ്ഞെടുപ്പില്‍ വിജയം നേടിയപ്പോഴും നരേന്ദ്രമോദി ജോ ബൈഡനെ ആശംസ അറിയിച്ചിരുന്നു.