KeralaLatest NewsNewsIndia

റിപ്പബ്ലിക്ക് ദിനത്തിൽ പ്രധാനമന്ത്രി നരേന്ദ്ര മോദിയെ കൺകുളിർക്കെ കാണാനായി ഭാഗ്യം ലഭിച്ച കേരളത്തിലെ ആ ദമ്പതികൾ ഇവരാണ്

കണ്ണൂർ : അവിചാരിതമായി കൈവന്ന ഭാഗ്യത്തിന്റെ നിര്‍വൃതിയിലാണ്‌ ഇരിട്ടി വള്ള്യാട്ട്‌ കോട്ടക്കുന്ന്‌  കോളനിയിലെ 28 കാരനായ കെ. അജിത്തും ഭാര്യ 23 കാരിയായ രമ്യ രവിയും. രാജ്യതലസ്ഥാനത്ത് റിപ്പബ്ലിക്ദിന പരിപാടിയില്‍ പങ്കെടുക്കാന്‍ സംസ്ഥാനത്തുനിന്ന്‌ തിരഞ്ഞെടുക്കപ്പെട്ട ദമ്പതിമാരാണ്‌ ഇവര്‍. പരേഡില്‍ പങ്കെടുക്കുക മാത്രമല്ല, രാഷ്‌ട്രപതിയെയും പ്രധാനമന്ത്രിയെയും കാണാനും സംസാരിക്കാനുമുള്ള അപൂര്‍വാവസരം കൂടിയാണ്‌ ഇവര്‍ക്ക്‌ ലഭിച്ചത്‌.

Read Also : ലോക്സഭ തിരഞ്ഞെടുപ്പ് ഇന്ന് നടക്കുകയാണെങ്കിൽ ആര് അധികാരത്തിൽ വരും ? ; മൂഡ് ഓഫ് ദി നേഷൻ സർവ്വേ ഫലം പുറത്ത്

രാഷ്‌ട്രപതിയോടൊപ്പം വിരുന്നിലും പങ്കെടുക്കും. ഇക്കുറി സ്വാതന്ത്ര്യദിനപരേഡില്‍ രാജ്യത്തെ എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളില്‍ നിന്നുമുള്ള പട്ടിക വര്‍ഗ്ഗ ദമ്പതിമാരെയാണ്‌ തിരഞ്ഞെടുത്തത്‌. കേരളത്തില്‍ നിന്ന് പണിയ വിഭാഗത്തില്‍പ്പെട്ട ഇവരെയാണ് തിരഞ്ഞെടുത്തത്. പട്ടിക വര്‍ഗ വികസന വകുപ്പിന്റെ നേതൃത്വത്തില്‍ ജില്ലയില്‍ നിന്ന് ആദ്യമായാണ് പട്ടിക വര്‍ഗ വിഭാഗത്തില്‍പ്പെട്ടവര്‍ക്കായി ഇത്തരമൊരു സൗകര്യമൊരുക്കുന്നത്.

ഇരിട്ടി പ്രീമെട്രിക്‌ ഹോസ്റ്റലിലെ താത്‌കാലിക വാച്ച്‌മാനാണ്‌ അജിത്ത്‌. രമ്യക്ക്‌ ജോലിയില്ല. ഇവര്‍ വിവാഹിതരായിട്ട്‌ ഒരുവര്‍ഷമേ ആവുന്നുള്ളൂ. പരിപാടിയില്‍ പങ്കെടുക്കാന്‍ താത്പര്യമുള്ള ദമ്പതിമാരില്‍നിന്ന്‌ ഐ.ടി.ഡി.പി. വകുപ്പ് അപേക്ഷ ക്ഷണിച്ചപ്പോള്‍ അജിത്തും ഭാര്യയും ആദ്യം തന്നെ മുന്നോട്ട് വരികയായിരുന്നു.

Related Articles

Post Your Comments


Back to top button