അബൂദാബി: കഴിഞ്ഞ ജൂലൈയില്‍ ഹോപ്പ് പ്രോബ് ആരംഭിച്ചതിന് ശേഷം ലോകം ബഹിരാകാശ പര്യവേക്ഷണരംഗത്ത് വര്‍ദ്ധിച്ചുവരുന്ന ശക്തിയായി യുഎഇയെ കാണാന്‍ ആരംഭിച്ചുവെന്ന് ഫ്രഞ്ച് ബഹിരാകാശ കേന്ദ്രത്തിന്‍റെ തലവന്‍ ജീന്‍യെവ്സ് ലെ ഗാള്‍ അറിയിച്ചു. എമിറേറ്റ്സ് ന്യൂസ് ഏജന്‍സിക്ക് നല്‍കിയ പ്രത്യേക അഭിമുഖത്തില്‍ സംസാരിക്കുകയായിരുന്നു അദ്ദേഹം.
Read Also: കൊറോണ വൈറസിന് കാരണം ഇറക്കുമതി ചെയ്ത ബീഫോ? ലോകാരോഗ്യ സംഘടനയുടെ അന്വേഷണ സംഘത്തിന്റെ പുതിയ വാദം
“യുഎഇ നയിക്കുന്ന ആദ്യത്തെ അറബ് പര്യവേക്ഷണ വിമാനമാണിത്. ഇതോടെ ചൊവ്വയില്‍ ബഹിരാകാശ വാഹനമുള്ള അഞ്ച് രാജ്യങ്ങളുടെ പട്ടികയില്‍ യുഎഇ എത്തി”; അദ്ദേഹംവ്യക്തമാക്കി. ഫ്രാന്‍സിന്‍റെ ‘നേതൃത്വം, ആളുകള്‍, ബഹിരാകാശ ഏജന്‍സി’ എന്നിവ ഈ ദൗത്യത്തെ താല്‍പ്പര്യപൂര്‍വ്വം ശ്രദ്ധിക്കുന്നുണ്ടെന്നും ശാസ്ത്രത്തിലേക്കുള്ള സേവനങ്ങള്‍ക്കായി വളരെയധികം പ്രതീക്ഷയോടെ കാത്തിരിക്കുകയാണെന്നും അദ്ദേഹം വെളിപ്പെടുത്തി.
Read Also: തര്‍ക്കം പരിഹരിക്കാന്‍ സര്‍ക്കാര്‍ സമര്‍പ്പിച്ച കരട് ബില്ലിനെതിരെ ഓര്‍ത്തഡോക്സ് സഭ രംഗത്ത്
“ബഹിരാകാശ ശാസ്ത്രരംഗത്തെ ആദ്യകാല സംഭവവികാസങ്ങള്‍ മുതല്‍ എല്ലായ്പ്പോഴും ആറ് ശക്തികള്‍ ആധിപത്യം പുലര്‍ത്തുന്നുണ്ടെന്നും അദ്ദേഹം കൂട്ടിച്ചേര്‍ത്തു. യുഎസ്, യൂറോപ്പ്, ചൈന, ജപ്പാന്‍, റഷ്യ, ഇന്ത്യ എന്നിവയില്‍ ഏഴാമത്തെ ശക്തിയെ ചേര്‍ക്കാന്‍ ഞങ്ങള്‍ ആഗ്രഹിക്കുന്നുവെങ്കില്‍ അത് അനിവാര്യമായും യുഎഇ ആയിരിക്കും. ഫ്രാന്‍സില്‍, യുഎഇയുമായി സഹകരണ കരാര്‍ ഒപ്പിട്ട ലോകത്തിലെ ആദ്യത്തെ ബഹിരാകാശ ഏജന്‍സി എന്ന നിലയില്‍ ഞങ്ങള്‍ അഭിമാനിക്കുന്നു” – അദ്ദേഹം പറഞ്ഞു.
Post Your Comments