കൊച്ചി: പന്തീരാംകാവ് യു.എ.പി.എ കേസിൽ ജാമ്യത്തിൽ കഴിയുന്ന അലൻ ഷുഹൈബ് ജാമ്യവ്യവസ്ഥയിൽ ഇളവ് തേടി കോടതിയെ സമീപിച്ചിരിക്കുന്നു. മാർച്ചിൽ പോണ്ടിച്ചേരിയിൽ നടക്കുന്ന ഓൾ ഇന്ത്യ മൂട്ട് കോർട്ട് മത്സരത്തിൽ പങ്കെടുക്കാനാണ് അനുമതി തേടി എറണാകുളം പ്രത്യേക എൻ.ഐ.എ കോടതിയിൽ അപേക്ഷ നൽകിയിരിക്കുന്നത്. കോടതി 26ന് വിധി പറയുന്നതാണ്. നേരത്തേ ജാമ്യം അനുവദിച്ചപ്പോൾ കേരളം വിട്ടുപോകാൻ മുൻകൂർ അനുമതി വാങ്ങണമെന്ന് നിർദ്ദേശം നൽകിയിരുന്നു.
സെപ്റ്റംബറിലാണ് അലൻ ഷുഹൈബിനും ത്വാഹ ഫസലിനും എൻ.ഐ.എ കോടതി ജാമ്യം നൽകിയത്. പിന്നീട് ത്വാഹ ഫസലിെൻറ ജാമ്യം റദ്ദാക്കിയ ഹൈകോടതി, അലൻ ഷുഹൈബിന് ജാമ്യം തുടരാൻ അനുമതി നൽകുകയും ചെയ്തിരുന്നു. 2019 നവംബർ ഒന്നിനാണ് ഇരുവരെയും മാവോവാദി ബന്ധം ആരോപിച്ച് അറസ്റ്റ് ചെയ്തത്.
Post Your Comments