KeralaLatest NewsNews

മദ്യലഹരിയില്‍ പ്രശ്‌നമുണ്ടാക്കിയ പൊലീസുകാരനെ നാട്ടുകാര്‍ കൈകാര്യം ചെയ്തു

തിരുവനന്തപുരം: മദ്യലഹരിയില്‍ പ്രശ്‌നമുണ്ടാക്കിയ പൊലീസുകാരനെ നാട്ടുകാര്‍ കൈകാര്യം ചെയ്തു. തമ്പാനൂര്‍ പൊലീസ് സ്റ്റേഷനിലെ പൊലീസുകാരനും നെടുമങ്ങാട് സ്വദേശിയുമായ സുകുവിനാണ് (49) മര്‍ദ്ദനമേറ്റത്. സാരമായി പരിക്കേറ്റ ഇയാളെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ശനിയാഴ്ച വൈകിട്ടായിരുന്നു സംഭവം. ഡ്യൂട്ടിയ്ക്ക് പോകാതിരുന്ന ഇയാള്‍ അന്ന് വൈകുന്നേരം മദ്യലഹരിയിലായിരുന്നുവെന്ന് പറയുന്നു. മദ്യപിച്ച് വീടിന് കുറച്ചകലെയുള്ള ജംഗ്ഷനില്‍ നാട്ടുകാരുമായി വാക്കേറ്റത്തിലേര്‍പ്പെട്ട സുകു നാട്ടുകാരെ തെറിവിളിച്ചതോടെയാണ് നാട്ടുകാരില്‍ ചിലര്‍ ഇയാളെ കൈയ്യേറ്റം ചെയ്തത്. മര്‍ദ്ദനമേറ്റ് അവശനിലയിലായ സുകു നെടുമങ്ങാട് ഗവ. ആശുപത്രിയില്‍ ചികിത്സതേടിയെങ്കിലും പരിക്ക് ഗുരുതരമായതിനാല്‍ തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി. നെടുമങ്ങാട് പൊലീസ് കേസെടുത്തു.
Dailyhunt

 

Related Articles

Post Your Comments


Back to top button