ചെങ്കോട്ട ആക്രമണത്തിന് കാരണമായ റിപ്പബ്ലിക് ദിന കലാപവുമായി ബന്ധപ്പെട്ട് രണ്ട് കലാപകാരികളെ കൂടി ദില്ലി പോലീസ് അറസ്റ്റ് ചെയ്തു. യുകെയിലെ ബർമിംഗ്ഹാമിൽ സ്ഥിരതാമസമാക്കിയ ഡച്ച് പൗരനായ മനീന്ദർജിത് സിംഗ്, കൂടാതെ ഖെംപ്രീത് സിംഗ് എന്നിവരാണ് അറസ്റ്റിലായത്. മനീന്ദർജിത് സിംഗ് ഒരു സ്ഥിരം കുറ്റവാളിയാണെന്നും ഇയാൾ വ്യാജ രേഖകളുമായി രക്ഷപ്പെടാൻ ശ്രമിക്കുന്നതിനിടെ ദില്ലി വിമാനത്താവളത്തിൽ നിന്ന് അറസ്റ്റിലാകുകയായിരുന്നെന്നും പോലീസ് പറഞ്ഞു.
ചെങ്കോട്ടയ്ക്കുള്ളിൽ ഡ്യൂട്ടിയിലുണ്ടായിരുന്ന ഡൽഹി പോലീസ് ഉദ്യോഗസ്ഥരെ കുന്തമുപയോഗിച്ച് ആക്രമിച്ച ആളാണ് അറസ്റ്റിലായ ഖെംപ്രീത് സിംഗ്. 2021 ജനുവരി 26 ന് ദില്ലി അതിർത്തിയിൽ പ്രതിഷേധിച്ച ‘കർഷകർ’ കാർഷിക നിയമങ്ങളിൽ പ്രതിഷേധിച്ച് ‘ട്രാക്ടർ റാലി’ എന്ന പ്രക്ഷോഭ മറവിൽ ദേശീയ തലസ്ഥാനത്ത് ബാരിക്കേഡുകൾ തകർക്കുകയും കലാപം നടത്തുകയും ചെയ്തു.
കലാപകാരികൾ മനപൂർവ്വം ദില്ലി പോലീസ് ഉദ്യോഗസ്ഥരെ മറികടക്കാൻ ശ്രമിക്കുകയും വാളും മറ്റ് ആയുധങ്ങളും ഉപയോഗിച്ച് ആക്രമിക്കുകയും ചെയ്തു. ക്രമേണ കലാപകാരികൾ ചെങ്കോട്ട ഏറ്റെടുക്കുകയും ഖാലിസ്ഥാൻ ചിഹ്നമുള്ള ഒന്നിലധികം പതാകകൾ ഉയർത്തുകയും ചെയ്തു.
Post Your Comments