തിരുവനന്തപുരം: നേമത്ത് 2016ല്‍ എല്‍ ഡി എഫ് പരാജയപ്പെടാന്‍ കാരണം യു ഡി എഫ്- ബി ജെ പി വോട്ട് കച്ചവടമെന്ന് ഇടതു സ്ഥാനാര്‍ത്ഥി വി ശിവന്‍കുട്ടി. ഇക്കുറി സമുന്നതരായ നേതാക്കള്‍ മത്സരരംഗത്ത് വരുമ്പോഴെങ്കിലും വോട്ടുകച്ചവടം നടത്തരുത്. നേമത്ത് ആര് യു ഡി എഫ് സ്ഥാനാര്‍ത്ഥിയായാലും എല്‍ ഡി എഫ് ജയിക്കുമെന്നും ശിവന്‍കുട്ടി പറഞ്ഞു.
അതേസമയം, നേമത്തെ സ്ഥാനാര്‍ത്ഥി നിര്‍ണയം സംബന്ധിച്ച്‌ തത്ക്കാലം ചര്‍ച്ച വേണ്ടെന്ന നിലപാടിലേക്ക് കോണ്‍ഗ്രസ് ഹൈക്കമാന്‍ഡ് എത്തി. നേമത്ത് മികച്ച സ്ഥാനാര്‍ത്ഥി വേണമെന്നേ ഉളളൂവെന്നാണ് ഹൈക്കമാന്‍ഡ് ഇപ്പോള്‍ പറയുന്നത്.
read also: മുഖ്യമന്ത്രിയുടെ പേര് പറയാന്‍ നിര്‍ബന്ധിച്ചുവെന്ന വാദവുമായി ഇ ഡിക്കെതിരെ സന്ദീപ് നായരുടെ കത്ത്
നേമത്ത് ഉമ്മന്‍ചാണ്ടി മത്സരിക്കേണ്ടെന്ന അഭിപ്രായമാണ് എ ഗ്രൂപ്പിനുളളത്. അതേസമയം കെ സി വേണുഗോപാല്‍ നേമത്ത് മത്സരിക്കുമെന്ന വാര്‍ത്ത ഹൈക്കമാന്‍ഡ് തളളി. നേരത്തെ കെ മുരളീധരന്റെയും ഉമ്മൻ ചാണ്ടിയുടെയും രമേശ് ചെന്നിത്തലയുടെയും പേരുകൾ നേമത്തുയർന്നിരുന്നു.
Post Your Comments