KeralaLatest NewsNews

അടിവസ്ത്രത്തിലൊളിപ്പിച്ച് വിദേശത്തേക്ക് കഞ്ചാവ് കടത്താൻ ശ്രമിച്ചു; നെടുമ്പാശേരി വിമാനത്താവളത്തിൽ യുവതി പിടിയിൽ

നെടുമ്പാശേരി: നെടുമ്പാശേരി വിമാനത്താവളത്തിൽ കഞ്ചാവ് വേട്ട. അടിവസ്ത്രത്തിലൊളിപ്പിച്ച് കടത്താൻ ശ്രമിച്ച ഒരു കിലോഗ്രാം കഞ്ചാവ് പിടികൂടി. സംഭവവുമായി ബന്ധപ്പെട്ട് തൃശൂർ സ്വദേശിനിയായ യുവതിയെ പിടികൂടി. എയർ ഇന്ത്യ എക്‌സ്പ്രസ് വിമാനത്തിൽ ബഹ്‌റൈനിലേക്ക് പോകാനെത്തിയ 25 കാരിയായ യുവതിയാണ് പിടിയിലായത്.

Read Also: അയോദ്ധ്യ രാമക്ഷേത്രത്തിന്റെ അടിത്തറ നിർമ്മാണത്തിന് തുടക്കം; ക്ഷേത്ര നിർമ്മാണം 2023 ൽ പൂർത്തിയാകുമെന്ന് ട്രസ്റ്റ്

ദേഹപരിശോധനയ്ക്കിടെ സി ഐ എസ് എഫ് ഉദ്യോഗസ്ഥയാണ് അടിവസ്ത്രങ്ങൾക്കുള്ളിൽ ചെറിയ പായ്ക്കറ്റുകളായി ഒളിപ്പിച്ചിരുന്ന കഞ്ചാവ് കണ്ടെത്തിയത്. തുടർന്ന് യുവതിയെ നെടുമ്പാശേരി പോലീസിന് കൈമാറി. പിടികൂടിയ കഞ്ചാവും സി ഐ എസ് എഫ് പോലീസിനെ ഏൽപ്പിച്ചു. യുവതിയെ വിശദമായി ചോദ്യം ചെയ്യുമെന്ന് പോലീസ് അറിയിച്ചു. യുവതിയിൽ നിന്നും ലഹരിക്കടത്ത് സംഘത്തെ കുറിച്ചുള്ള നിർണായക വിവരങ്ങൾ ലഭിക്കുമെന്നാണ് പോലീസിന്റെ വിലയിരുത്തൽ.

 

shortlink

Related Articles

Post Your Comments

Related Articles


Back to top button