സ്വര്‍ണ വിലയില്‍ വർധനവ്

കൊച്ചി: കഴിഞ്ഞ അഞ്ചു ദിവസം മാറ്റമില്ലാതെ തുടര്‍ന്ന സ്വര്‍ണ വിലയില്‍ വര്‍ധനവ് ഉണ്ടായിരിക്കുന്നു. പവന് 160 രൂപയാണ് ഇന്നു കൂടിയത്. പവന്‍ വില 33,760 രൂപയാണ്. ഗ്രാമിന് ഇരുപതു രൂപ കൂടി 4220 രൂപയായി. കഴിഞ്ഞ ശനിയാഴ്ച 120 രൂപ കൂടിയ ശേഷം സംസ്ഥാനത്ത് സ്വര്‍ണ വില മാറ്റമില്ലാതെ തുടരുകയായിരുന്നു ഉണ്ടായിരുന്നത്. 33,600 രൂപയായിരുന്നു ശനിയാഴ്ച മുതല്‍ ഇന്നലെ വരെ വില.

ഈ മാസം ഇതുവരെ ഏറിയും കുറഞ്ഞും ചാഞ്ചാടുന്ന അവസ്ഥയിലാണ് സ്വര്‍ണ വില ഉള്ളത്. മാസത്തിന്റെ തുടക്കത്തില്‍ 34,440 രൂപയായിരുന്ന വില നാലു ദിവസത്തിനിപ്പുറം 33,160ലേക്ക് കുറഞ്ഞിരുന്നു. രാജ്യാന്തര വിപണിയിലെ മാറ്റങ്ങളാണ് സ്വര്‍ണ വിലയിലെ സ്ഥിരതയില്ലായ്മയ്ക്കു കാരണമെന്നാണ് വ്യാപാര വൃത്തങ്ങള്‍ പറയുന്നത്.