അരിതയുടെ വീട്ടിലെത്തി, പശുവളർത്തൽ വിശേഷങ്ങൾ ചോദിച്ച് പ്രിയങ്ക ഗാന്ധി

കായംകുളം : യുഡിഎഫ് ക്യാംപിന് ആവേശമായി കോൺഗ്രസ് നേതാവ് പ്രിയങ്ക ഗാന്ധി പ്രചാരണത്തിനെത്തി. കായംകുളത്തെ യുഡിഎഫ് സ്ഥാനാര്‍ഥി അരിത ബാബുവിന്റെ വീട് പ്രിയങ്ക ഗാന്ധി സന്ദര്‍ശിച്ചു. അരിതയുടെ പശുവളര്‍ത്തല്‍ വിശേഷങ്ങള്‍ ചോദിച്ചറിഞ്ഞ പ്രിയങ്ക, പിന്നീട് കൊല്ലം ജില്ലയിലെ പ്രചാരണത്തിനായി തിരിച്ചു.

റോഡ് ഷോ പുരോഗമിക്കുന്നതിന് ഇടയിലാണ് കായംകുളം നഗരത്തിൽ എത്തിയപ്പോൾ അരിത ബാബുവിന്റെ വീട്ടിലേക്ക് പോകാനായി പ്രിയങ്ക തീരുമാനിച്ചത്. പ്രചാരണ വാഹനങ്ങളുടെ അകമ്പടിയോടെയാണ് പ്രിയങ്ക അരിതയുടെ വീട്ടിലെത്തിയത്. അരിത മാത്രമാണ് വീട്ടിൽ ഉണ്ടായിരുന്നത്. അച്ഛനും അമ്മയും പ്രിയങ്കയെ കാണാനായി മറ്റൊരു സ്ഥലത്തായിരുന്നു.

Read Also  :  അടുത്ത മാസം 15 ദിവസം ബാങ്കുകൾ അടഞ്ഞുകിടക്കും ; അവധി ദിനങ്ങളുടെ ലിസ്റ്റ് കാണാം

പ്രിയങ്ക നാലേകാലിന് വെഞ്ഞാറമൂട്ടിലും നാലരയ്ക്ക് കാട്ടാക്കടയിലും പ്രസംഗിച്ചു. അഞ്ചരയ്ക്ക് പൂജപ്പുരയില്‍ റോഡ് ഷോ. വലിയതുറയിലാണ് സമാപനസമ്മേളനം.