COVID 19Latest NewsNewsGulfOman

സലാലയിൽ കോവിഡ് ബാധിച്ച് പ്രവാസി മലയാളി മരിച്ചു

സലാല: സലാലയിൽ കൊറോണ വൈറസ് രോഗം ബാധിച്ച് ഒരു മലയാളി കൂടി മരിച്ചു. കണ്ണൂർ താഴെ ചൊവ്വ സ്വദേശി നാലകത്ത് നൗഷാദ് (46) ആണ്​ കൊറോണ വൈറസ് രോഗം ബാധിച്ച് മരിച്ചത്​​.

16 ദിവസം മുമ്പ്​ സുൽത്താൻ ഖാബൂസ്​ ആശുപത്രിയിൽ പ്രവേശിപ്പിച്ച നൗഷാദ്​ ഒമ്പത്​ ദിവസമായി വെൻറിലേറ്ററിലായിരുന്നു. വെള്ളിയാഴ്​ച രാത്രി എട്ട്​ മണിയോടെയാണ്​ മരണം സംഭവിച്ചത്​. 27 വർഷമായി സലാലയിൽ സഹോദങ്ങളോടൊപ്പം ബിസിനസ്​ നടത്തിവരുകയായിരുന്നു ഇദ്ദേഹം. സാമൂഹിക പ്രവർത്തകരായ അബ്​ദുറഷീദ്​, അബ്​ദുനാസർ, നസീർ എന്നിവർ സഹോദരങ്ങളാണ്.

ഭാര്യ ഫർസാന മക്കൾ: ഫയാസ് റിസാൻ, സിയ,മുഹമ്മദ്. ദീർഘനാളായി കുടുംബസമേതമായിരുന്നു താമസം. മൃതദേഹം കോവിഡ് പ്രൊട്ടോക്കോൾ പ്രകാരം സലാലയിൽ ഖബറടക്കുമെന്ന് ബന്ധുക്കൾ അറിയിച്ചു. കോവിഡ്​ ബാധിച്ച്​ ഒമാനിൽ മരണപ്പെടുന്ന 40ാമത്തെ മലയാളിയാണ്​ നൗഷാദ്​.

 

shortlink

Related Articles

Post Your Comments

Related Articles


Back to top button