തിരുവനന്തപുരം: നേമത്ത് കുമ്മനം രാജശേഖരന്റെ വിജയം ഉറപ്പാണെന്ന് ക്രിക്കറ്റ് താരം എസ്. ശ്രീശാന്ത്. ഇത്തവണ ബി.ജെ.പിക്ക് വലിയ മുന്നേറ്റം ഉണ്ടാകുമെന്നും കഴിഞ്ഞ തവണ ബി.ജെ.പി സ്ഥാനാര്‍ത്ഥിയായിരുന്ന ശ്രീശാന്ത് പറഞ്ഞു. പൂജപ്പുരയില്‍ കുമ്മനത്തിന്റെ തെരഞ്ഞെടുപ്പ് പ്രചാരണാര്‍ത്ഥം സംഘടിപ്പിച്ച കൂട്ടയോട്ടം ഉദ്ഘാടനം ചെയ്യുകയായിരുന്നു അദ്ദേഹം.
‘2016 ലെ സാഹചര്യമല്ല ഇന്ന്. ബി.ജെ.പിക്ക് അനുകൂലമായ നിരവധി കാര്യങ്ങള്‍ ഉണ്ട്. കഴിഞ്ഞ പ്രാവശ്യം ഒരു സീറ്റാണ് കിട്ടിയതെങ്കില്‍ ഇത്തവണ തീര്‍ച്ചയായും കൂടുതല്‍ സീറ്റ് കിട്ടും. നേമത്ത് ബി.ജെ.പിക്ക് തുടര്‍ വിജയം ഉറപ്പാണ്. രണ്ടു വര്‍ഷത്തേക്ക് ഏതായാലും രാഷ്ട്രീയത്തിലേക്കില്ല. ക്രിക്കറ്റില്‍ ശ്രദ്ധ കേന്ദ്രീകരിക്കും. കഴിഞ്ഞ തവണ തിരുവനന്തപുരത്ത് മത്സരിച്ചപ്പോള്‍ കിട്ടിയത് പാര്‍ട്ടി വോട്ടുകളാണ് വ്യക്തിപരമായ വോട്ടുകള്‍ കുറച്ചുവല്ലതും കാണും’.
‘അന്ന് കിട്ടിയ വോട്ടുകള്‍ ഇത്തവണയും കിട്ടും. അവിടുത്തെ സ്ഥാനാര്‍ത്ഥി കൃഷ്ണകുമാറിനുവേണ്ടിയും പ്രചാരണത്തിനിറങ്ങും’, ശ്രീശാന്ത് പറഞ്ഞു. പൂജപ്പുര സരസ്വതി മണ്ഡപത്തില്‍നിന്ന് തിരുമലയിലേക്കായിരുന്നു കൂട്ടയോട്ടം. ഫ്ളാഗ് ഓഫ് ചെയ്ത ശേഷം യുവാക്കള്‍ക്കൊപ്പം ശ്രീശാന്ത് ഓടുകയും ചെയ്തു.
Post Your Comments