വാരാണസി: കാശി വിശ്വനാഥ ക്ഷേത്രത്തിന് സമീപത്തെ ഗ്യാന്‍വാപി മസ്ജിദ് ക്ഷേത്രം കയ്യേറിയോ, മാറ്റം വരുത്തിയോ നിർമിച്ചതാണോ എന്ന് പരിശോധിക്കാന്‍ ഉത്തരവിട്ടു കോടതി. മുപ്പതു വർഷത്തുണ് മുൻപുള്ള പരാതിയിന്മേലാണ് കോടതിയുടെ നടപടി. പരിശോധന നടത്താന്‍ ആര്‍ക്കിയോളജിക്കല്‍ സര്‍െവ ഒാഫ് ഇന്ത്യയോട് വരാണസി കോടതി ഉത്തരവിട്ടു.
17ാം നൂറ്റാണ്ടില്‍ മുഗള്‍ ചക്രവര്‍ത്തിയായ ഔറംഗസീബ് ക്ഷേത്രം കയ്യേറി നിര്‍മിച്ചതാണ് ഗ്യാന്‍വാപി മസ്ജിദെന്ന് ആരോപിച്ച്‌ 1991 ലാണ് സ്വകാര്യ ഹർജി കോടതിയിലെത്തുന്നത്. ‘തര്‍ക്ക പ്രദേശത്തുള്ള’ മത സ്ഥാപനം മറ്റൊരു മതസ്ഥാപനത്തിനു മുകളില്‍ സ്ഥാപിച്ചതോ ഏതെങ്കിലും കയ്യേറിയതോ മാറ്റം വരുത്തിയേതാ ആണോയെന്നാണ് പരിശോധിക്കേണ്ടതെന്ന് കോടതി പറയുന്നു. അതിനായി അഞ്ചംഗ വിദഗ്ദ സമിതിയെ നിയമിക്കണമെന്നാണ് ആര്‍ക്കിയോളജിക്കല്‍ സര്‍വെ ഒാഫ് ഇന്ത്യയോട് ആവശ്യപ്പെട്ടിരിക്കുന്നത്. ഹിന്ദു വിഭാഗത്തിന്‍റെ ക്ഷേത്രം ഏതെങ്കിലും കാലത്ത് അവിടെ നിലനിന്നിരുന്നോയെന്നു പരിശോധിക്കണമെന്ന് ഉത്തരവില്‍ സൂചിപ്പിച്ച കോടതി സമിതിയുടെ രണ്ടംഗങ്ങള്‍ ന്യൂനപക്ഷ വിഭാഗത്തില്‍ നിന്നുള്ളവരാകണമെന്നും നിര്‍ദേശമുണ്ട്. സമിതിയുടെ പ്രവര്‍ത്തനം നിരീക്ഷക്കാന്‍ ഒരു അക്കാദമിക വിദഗ്നെ നിയമിക്കണമെന്നും കോടതി ഉത്തരവിലുണ്ട്.
Post Your Comments