മാന്നാർ: ബാങ്കിലേക്കുള്ള പടികള്‍ കയറുന്നതിനിടെ വഴുതി വീണ് വീട്ടമ്മയുടെ തലയ്ക്ക് ഗുരുതര പരിക്കേറ്റിരിക്കുന്നു. ചെന്നിത്തല പഞ്ചായത്ത് പതിനൊന്നാം വാർഡിൽ കാരാഴ്മ മൂലയിൽ വീട്ടിൽ ചന്ദ്രന്‍റെ ഭാര്യ ലത ചന്ദ്രൻ (61) ആണ് വഴുതി വീണ് ഗുരുതരമായ പരിക്കേറ്റിരിക്കുന്നത്. വെള്ളിയാഴ്ച പകൽ മൂന്നിന് എസ് ബി ഐ ചെന്നിത്തല ശാഖയിലാണ് ദാരുണ സംഭവം ഉണ്ടായിരിക്കുന്നത്.
കുത്തനെയുള്ള പടികൾ കയറുന്നതിനിടെ കാൽ വഴുതി താഴെ വീണ് തലയുടെ പുറകു ഭാഗം പടിയിൽ ഇടിക്കുകയായിരുന്നുവെന്ന് ദൃക്സാക്ഷികൾ പറയുകയുണ്ടായി. തല പൊട്ടി ചോര വാർന്ന് കിടന്ന ഇവരെ നാട്ടുകാരാണ് തട്ടാരമ്പലം സ്വകാര്യാശുപത്രിയിൽ എത്തിക്കുകയുണ്ടായത്. അഞ്ചോളം തുന്നലുകളാണ് തലയിലുള്ളത്. ഇതിന് മുമ്പും നിരവധിയാളുകൾ ബാങ്കിലേക്ക് കയറുന്ന പടിയിൽ വീണ് പരിക്കേറ്റിട്ടുണ്ടെന്നും, ഇതിൽ ഒരാൾ കോമ ബാധിച്ച് കിടപ്പിലാണെന്നും നാട്ടുകാർ പറഞ്ഞു.
ബാങ്കിൽ ഇടപാടുകൾ നടത്താൻ എത്തുന്ന വയോധികരടക്കമുള്ളവർക്ക് കുത്തനെയുള്ള പടികയറാൻ പ്രയാസമാണ്. ഈ പചികള്‍ മാറ്റി പകരം സംവിധാനമൊരുക്കണമെന്നുള്ളാവശ്യം ഇടപാടുകാർ നിരന്തരമായി ബാങ്ക് അധികൃതരെ അറിയിച്ചിട്ടും യാതൊരു നടപടി സ്വീകരിക്കാത്തതിൽ പ്രതിഷേധവും ശക്തമാണ്.
Post Your Comments