തൃശൂര്‍: വിവാദങ്ങളുമായി തൃശൂര്‍ പൂരം നടക്കുമ്പോൾ കടുത്ത അവഗണന നേരിട്ട് ടി.എന്‍. പ്രതാപന് എം.പി. പൂരം നടത്തിപ്പുമായി ബന്ധപ്പെട്ട് ചീഫ് സെക്രട്ടറിയും കലക്ടറും വിളിക്കുന്ന യോഗങ്ങളിലേക്ക് തന്നെ വിളിക്കുകയോ പങ്കെടുപ്പിക്കുകയോ ചെയ്യുന്നില്ലെന്ന് ടി.എന്‍. പ്രതാപന് പറഞ്ഞു. പൂരം നടക്കുന്ന തൃശൂരിലെ കോര്‍പറേഷന്‍ മേയറേയും പങ്കെടുപ്പിക്കുന്നില്ലെന്ന് കാണിച്ച്‌ ചീഫ് സെക്രട്ടറിക്ക് പ്രതിഷേധ കത്ത് നല്‍കി.
നിയമസഭ തിരഞ്ഞെടുപ്പ് പൂര്‍ത്തിയായതിനാല്‍ സാങ്കേതികമായി എം.എല്‍.എമാരെ ഒഴിവാക്കുന്നതിന് ന്യായം കണ്ടെത്താമെങ്കിലും എം.പിയേയും മേയറേയും ഒഴിവാക്കുന്നതിന് ന്യായീകരണമില്ലെന്ന് കത്തില്‍ ചൂണ്ടിക്കാട്ടി. ഇതില്‍ തെരഞ്ഞെടുപ്പ് പെരുമാറ്റ ചട്ടത്തിന്റെ തടസ്സമല്ല. പൂരം സംബന്ധിച്ച്‌ പൊതുസമൂഹത്തിന്റെ വിവിധ അഭിപ്രായങ്ങള്‍ ഉയരുമ്പോള്‍ ജനപ്രതിനിധികളെ ഒഴിവാക്കി ഉദ്യോഗസ്ഥ തലത്തില്‍ മാത്രം ചര്‍ച്ച ചെയ്ത് തീരുമാനിക്കുന്നത് ജനാധിപത്യത്തില്‍ അപലപനീയവും പ്രതിഷേധാര്‍ഹവുമാണെന്നും കത്തില്‍ പറഞ്ഞു.
Post Your Comments