കോവിഡ് വാക്സിനെതിരെ വ്യാജ പ്രചരണം ; നടൻ മൻസൂർ അലി ഖാന് പിഴ

ചെന്നൈ : കോവിഡ് വാക്സിനെതിരെ വ്യാജപ്രചാരണം നടത്തിയ നടൻ മൻസൂർ അലി ഖാന് പിഴ വിധിച്ച് മദ്രാസ് ഹൈക്കോടതി. രണ്ട് ലക്ഷം രൂപയാണ് പിഴ വിധിച്ചിരിക്കുന്നത്.

തമിഴ്‌നാട് ആരോഗ്യവകുപ്പിന് പിഴ അടയ്ക്കാനാണ് ഉത്തരവ്. കേസിൽ ഇടക്കാല ജാമ്യം അനുവദിച്ചു. നടൻ വിവേക് മരിച്ചത് വാക്സിൻ സ്വീകരിച്ചത് കാരണമെന്നും ജനങ്ങൾ വാക്സിൻ സ്വീകരിക്കരുതെന്നുമായിരുന്നു നടന്‍റെ പ്രസ്താവന.