ഇടത് രാഷ്ട്രീയ ചരിത്രത്തിൽ കേരളത്തിന്റെ കത്തിജ്വലിക്കുന്ന പെൺ ശബ്‌ദം

ആലപ്പുഴ: ഇടത് രാഷ്ട്രീയ ചരിത്രത്തിലെ കത്തിജ്വലിക്കുന്ന സ്ത്രീ ശബ്ദമായി മാറിയ കെ ആർ ഗൗരിയമ്മ. പ്ര​ശ​സ്ത ക​വി​യും ന​ട​നു​മൊ​ക്കെ​യാ​യ ബാ​ല​ച​ന്ദ്ര​ന്‍ ചു​ള്ളി​ക്കാ​ട് ഗൗ​രി​യെ​ന്ന ത​ന്‍റെ ക​വി​ത​യി​ല്‍ പ​റ​ഞ്ഞ​തു പോ​ലെ ‘ക​ര​യാ​ത്ത ഗൗ​രി, ത​ള​രാ​ത്ത ഗൗ​രി, ക​ലി​കൊ​ണ്ടു​നി​ന്നാ​ല്‍ അ​വ​ള്‍ ഭ​ദ്ര​കാ​ളി… ഇ​തു​കേ​ട്ടു​കൊ​ണ്ടേ ചെ​റു​ബാ​ല്യ​മെ​ല്ലാം പ​തി​വാ​യി ഞ​ങ്ങ​ള്‍ ഭ​യ​മാ​റ്റി​വ​ന്നു’-​ഒ​രു നൂ​റ്റാ​ണ്ടി​ലെ വ​നി​ത​ക​ളു​ടെ ശ​ബ്ദ​വും പ്ര​ചോ​ദ​ന​വു​മൊ​ക്കെ​യാ​യി​രു​ന്നു അ​വ​ര്‍. സ്വാ​ത​ന്ത്ര്യാ​ന​ന്ത​ര കാ​ല​ത്തെ കേ​ര​ള​സം​സ്ഥാ​ന​ത്തി​ന്‍റെ സാ​മ്പ​ത്തി​ക​വും സാ​മൂ​ഹ്യ​വു​മാ​യ ച​രി​ത്ര​ഗ​തി​യി​ല്‍ നി​ര്‍​ണാ​യ​ക​സ്വാ​ധീ​നം ചെ​ലു​ത്താ​ന്‍ ക​ഴി​ഞ്ഞ പ്ര​മു​ഖ രാ​ഷ്‌​ട്രീ​യ നേ​താ​ക്ക​ളി​ല്‍ ഒ​രാ​ള്‍, ആ​ദ്യ ഈ​ഴ​വ നി​യ​മ​വി​ദ്യാ​ര്‍​ഥി​നി, ആ​ദ്യ വ​നി​താ​മ​ന്ത്രി, ആ​ദ്യ മ​ന്ത്രി​സ​ഭ​യി​ലെ ശേ​ഷി​ച്ചി​രു​ന്ന ഏ​ക അം​ഗം, ഏ​റ്റ​വും കൂ​ടു​ത​ല്‍​കാ​ലം നി​യ​മ​സ​ഭാം​ഗ​മാ​യ ആ​ള്‍(16,832 ദി​വ​സം)-​വി​ശേ​ഷ​ണ​ങ്ങ​ള്‍ ഏ​റെ​യാ​യി​രു​ന്നു കേ​ര​ള രാ​ഷ്‌​ട്രീ​യ​ത്തി​ലെ ഈ ​പെ​ണ്‍​സിം​ഹ​ത്തി​ന്. 2016ലെ ​തെ​ര​ഞ്ഞെ​ടു​പ്പു മു​ത​ല്‍ മ​ത്സ​ര​രം​ഗ​ത്തു​നി​ന്നു മാ​റി നി​ന്ന, ഗൗ​രി​യ​മ്മ​യെ പ​രാ​മ​ര്‍​ശി​ക്കാ​തെ കേ​ര​ള​ത്തി​ലെ ഒ​രു​തെ​ര​ഞ്ഞെ​ടു​പ്പും ഇ​തു​വ​രെ മു​ന്നോ​ട്ടു​പോ​യി​ട്ടി​ല്ലെ​ന്ന​തും ച​രി​ത്രം.

എന്നാൽ മു​ഖ്യ​മ​ന്ത്രി ക​സേ​ര ചു​ണ്ടി​നും ക​പ്പി​നു​മി​ട​യി​ല്‍ ന​ഷ്ട​പ്പെ​ട്ട വ​നി​ത, പാ​ര്‍​ട്ടി​ക്കു വേ​ണ്ടി ജീ​വി​തം ഉ​ഴി​ഞ്ഞു​വ​ച്ചി​ട്ടും പു​റ​ന്ത​ള്ള​പ്പെ​ട്ട​വ​ള്‍, ആ ​വീ​ഴ്ച​യി​ല്‍​നി​ന്നു ഫീ​നി​ക്സ് പ​ക്ഷി​യേ പോ​ലെ ഉ​യ​ര്‍​ത്തെ​ഴു​ന്നേ​റ്റ​വ​ള്‍- ഗൗ​രി​യ​മ്മ​യെ​ന്ന പേ​രു കേ​ള്‍​ക്കുമ്പോ​ള്‍ ത​ന്നെ മ​ല​യാ​ളി​യു​ടെ മ​ന​സി​ലേ​ക്ക് ഈ ​വി​വ​ര​ങ്ങ​ളും ഓ​ടി​യെ​ത്തും. സം​സ്ഥാ​ന രൂ​പീ​ക​ര​ണ​ത്തി​നു ശേ​ഷം 1957ല്‍ ​അ​വി​ഭ​ക്ത ക​മ്യൂ​ണി​സ്റ്റ് പാ​ര്‍​ട്ടി​യു​ടെ സ്ഥാ​നാ​ര്‍​ഥി​യാ​യി ചേ​ര്‍​ത്ത​ല​യി​ല്‍​നി​ന്നു വി​ജ​യി​ച്ച്‌ ആ​ദ്യ​മ​ന്ത്രി​സ​ഭ​യി​ല്‍ റ​വ​ന്യു-​എ​ക്സൈ​സ്മ​ന്ത്രി. ആ ​കാ​ല​യ​ള​വി​ല്‍ ത​ന്നെ​യാ​യി​രു​ന്നു സ​ഹ​മ​ന്ത്രി​യാ​യ ടി.​വി. തോ​മ​സി​നെ വി​വാ​ഹം ക​ഴി​ക്കു​ന്ന​തും. (64ല്‍ ​പാ​ര്‍​ട്ടി പി​ള​ര്‍​ന്ന​പ്പോ​ള്‍ ഭ​ര്‍​ത്താ​വും ഭാ​ര്യ​യും ര​ണ്ടി​ട​ത്താ​യി എ​ന്നു​മാ​ത്രം). ഭൂ​പ​രി​ഷ്‌​ക​ര​ണം, അ​ഴി​മ​തി നി​രോ​ധ​നം, വ​നി​താ ബി​ല്‍ ഉ​ള്‍​പ്പെ​ടെ നി​ര​വ​ധി ബി​ല്ലു​ക​ളാ​ണ് ഗൗ​രി​യ​മ്മ മ​ന്ത്രി​യാ​യി​രു​ന്ന കാ​ല​ത്തു കേ​ര​ള ജ​ന​ത​യ്ക്കു ല​ഭി​ച്ച​ത്. 60-ല്‍ ​ചേ​ര്‍​ത്ത​ല​യി​ല്‍​നി​ന്നു വീ​ണ്ടും നി​യ​മ​സ​ഭ​യി​ലേ​ക്ക്. ചേ​ര്‍​ത്ത​ല, അ​രൂ​ര്‍ മ​ണ്ഡ​ല​ങ്ങ​ളി​ല്‍​നി​ന്നാ​യി​രു​ന്നു ഗൗ​രി​യ​മ്മ​യു​ടെ മ​ത്സ​ര​ങ്ങ​ള്‍.

2019 ജൂണ്‍ മാസം 21 ന് ആലപ്പുഴ ശക്തി ആഡിറ്റോറിയത്തില്‍ നടന്ന ജന്മശതാബ്ദി മഹാമഹത്തിന് നന്ദി പറയുകയായിരുന്നു ഗൗരിഅമ്മ. പ്രതിപക്ഷ നേതാവ് രമേശ് ചെന്നിത്തലയുടെ അദ്ധ്യക്ഷതയില്‍ നടന്ന ചടങ്ങില്‍ കേരള രാഷ്ട്രീയത്തിലെ തലമുതിര്‍ന്ന മുഴുവന്‍ നേതാക്കളേയും സാക്ഷി നിര്‍ത്തി, ഉദ്ഘാടകനായെത്തിയ മുഖ്യമന്ത്രിയോടായിരുന്നു ഗൗരിഅമ്മയുടെ ആ ചോദ്യം. ‘എന്നിട്ടെന്തായി വിജയാ?’ വര്‍ഷങ്ങളായി കേരളം ചോദിച്ചുകൊണ്ടിരിക്കുന്ന ഈ ചോദ്യം ഒടുവില്‍ ഗൗരിഅമ്മയ്ക്ക് തന്നെ നേരിട്ട് മുഖ്യമന്ത്രിയോടു ചോദിക്കേണ്ടിവന്നു. എന്നിട്ടും മതിയായ ഉത്തരം ഇനിയും ലഭിച്ചിട്ടില്ല. നൂറാം വയസിന്റെ നിറവില്‍ നില്‍ക്കുമ്പോള്‍ തനിക്ക് ഇനിയും ഉത്തരം ലഭിക്കാത്ത മറ്റൊരുചോദ്യം കൂടി ഗൗരിഅമ്മ ആ മഹാസദസിനെ ഓര്‍മ്മിപ്പിച്ചു. ‘എന്നെ പാര്‍ട്ടിയില്‍ നിന്ന് എന്തിനാ പുറത്താക്കിയത് ?’ ചാത്തനാട്ടെ ബ്രാഞ്ച് കമ്മിറ്റി മുതല്‍ സി.പി.എം പോളിറ്റ് ബ്യൂറോ വരെ കാല്‍ നൂറ്റാണ്ടായി ഗൗരിഅമ്മയുടെ ഈ ചോദ്യങ്ങള്‍ കേള്‍ക്കുന്നു. പക്ഷേ യുക്തിസഹമായ ഒരു മറുപടി ഇനിയും കിട്ടിയിട്ടില്ല.

കേ​ര​ള നി​യ​മ​സ​ഭ​യി​ലേ​ക്കു ന​ട​ന്ന ആ​ദ്യ ത​ര​ഞ്ഞെ​ടു​പ്പി​ല്‍ വി​ജ​യി​ച്ച്‌ മ​ന്ത്രി​യാ​യെ​ങ്കി​ലും ആ​ദ്യ തെ​ര​ഞ്ഞെ​ടു​പ്പി​ല്‍ പ​രാ​ജ​യ​മാ​യി​രു​ന്നു. 1948-ല്‍ ​തി​രു​വി​താം​കൂ​ര്‍ നി​യ​മ​സ​ഭ​യി​ലേ​ക്കു​ള്ള തെ​ര​ഞ്ഞെ​ടു​പ്പി​ല്‍ ചേ​ര്‍​ത്ത​ല ദ്വ​യാ​ങ്ക മ​ണ്ഡ​ല​ത്തി​ല്‍ പ​രാ​ജ​യ​പ്പെ​ട്ടു. ക​മ്യൂ​ണി​സ്റ്റ് സ്ഥാ​നാ​ര്‍​ഥി​ക​ള്‍ മു​ഴു​വ​ന്‍ പ​രാ​ജ​യ​പ്പെ​ട്ടെ​ങ്കി​ലും കെ​ട്ടി​വ​ച്ച​കാ​ശ് തി​രി​കെ കി​ട്ടി​യ നാ​ലു ക​മ്യൂ​ണി​സ്റ്റു​ക​ളി​ല്‍ ഒ​രാ​ളാ​യി​രു​ന്നു അ​വ​ര്‍. തി​രു-​കൊ​ച്ചി സം​സ്ഥാ​നം രൂ​പീ​ക​രി​ച്ച ശേ​ഷം 52-ല്‍ ​ന​ട​ന്ന തെ​ര​ഞ്ഞെ​ടു​പ്പി​ലാ​യി​രു​ന്നു ക​ന്നി​വി​ജ​യം. 54-ലും ​വി​ജ​യം ആ​വ​ര്‍​ത്തി​ച്ചു. തി​രു​കൊ​ച്ചി​യി​ലും കേ​ര​ള​ത്തി​ലു​മാ​യി ന​ട​ന്ന 17 തെ​ര​ഞ്ഞെ​ടു​പ്പു​ക​ളി​ല്‍ മ​ത്സ​രി​ച്ച കേ​ര​ള​ത്തി​ന്‍റെ രാ​ഷ്‌​ട്രീ​യ മു​ത്ത​ശി 13 എ​ണ്ണ​ത്തി​ല്‍ വി​ജ​യി​ച്ചു. 11 ത​വ​ണ നി​യ​മ​സ​ഭാം​ഗ​മാ​യി. 1948ലെ ​ക​ന്നി​യ​ങ്ക​ത്തി​ലും 1977, 2006, 2011 വ​ര്‍​ഷ​ങ്ങ​ളി​ലു​മാ​ണ് പ​രാ​ജ​യ​ത്തി​ന്‍റെ ക​യ്പ് നു​ണ​ഞ്ഞ​ത്. സി​പി​എ​മ്മി​ല്‍​നി​ന്നു പു​റ​ത്തു​വ​ന്നു ജെ​എ​സ്‌എ​സ് രൂ​പീ​ക​രി​ച്ചു യു​ഡി​എ​ഫി​ന്‍റെ ഭാ​ഗ​മാ​യി മാ​റി​യ ഗൗ​രി​യ​മ്മ 1996ലും 2001​ലും ജെ​എ​സ്‌എ​സ് സ്ഥാ​നാ​ര്‍​ഥി​യാ​യി അ​രൂ​രി​ല്‍​നി​ന്നു വീ​ണ്ടും വി​ജ​യി​ച്ചു. 87ല്‍ ​കേ​ര​ളം കെ.​ആ​ര്‍. ഗൗ​രി ഭ​രി​ക്കു​മെ​ന്ന പ്ര​ച​ര​ണം സ​ജീ​വ​മാ​യി​രു​ന്നെ​ങ്കി​ലും അ​വ​രെ ത​ഴ​ഞ്ഞു മ​ത്സ​രി​ക്കു​ക പോ​ലും ചെ​യ്യാ​തി​രു​ന്ന ഇ.​കെ. നാ​യ​നാ​ര്‍ മു​ഖ്യ​മ​ന്ത്രി ക​സേ​ര​യി​ലെ​ത്തി. എ​ന്നി​ട്ടും പ​രി​ഭ​വ​മേ​തു​മി​ല്ലാ​തെ ആ ​മ​ന്ത്രി​സ​ഭ​യി​ല്‍ വ്യ​വ​സാ​യ​മ​ന്ത്രി​യാ​യി അ​വ​ര്‍ ജ​ന​സേ​വ​നം ന​ട​ത്തി. എ​ന്നി​ട്ടും 94ല്‍ ​പാ​ര്‍​ട്ടി​വി​രു​ദ്ധ പ്ര​വ​ര്‍​ത്ത​ന​ത്തി​ന്‍റെ പേ​രും പ​റ​ഞ്ഞ് അ​വ​ര്‍ പു​റ​ത്താ​ക്ക​പ്പെ​ട്ടു. അ​വി​ടെ നി​ന്നാ​ണ് ജെ​എ​സ്‌എ​സ് എ​ന്ന പാ​ര്‍​ട്ടി​യു​ടെ പി​റ​വി​യും. ഒ​രു​വ​നി​ത​യു​ടെ നേ​തൃ​ത്വ​ത്തി​ല്‍ ഒ​രു പാ​ര്‍​ട്ടി ത​ന്നെ രൂ​പം കൊ​ണ്ട്. അ​തി​ന് എം​എ​ല്‍​എ​മാ​രും മ​ന്ത്രി​യും ഉ​ണ്ടാ​യി. പി​ന്നീ​ട് പാ​ര്‍​ട്ടി പ​ല​താ​യി ചി​ത​റി​യെ​ങ്കി​ലും അ​വ​രു​ടെ​യെ​ല്ലാം നേ​താ​വ് ഗൗ​രി​യ​മ്മ​യാ​യി​രു​ന്നു. നൂ​റു പി​ന്നി​ട്ടി​ട്ടും ഒ​രു പാ​ര്‍​ട്ടി​യെ ന​യി​ച്ച വ​നി​ത രാ​ജ്യ​ത്തി​നു മാ​ത്ര​മ​ല്ല ലോ​ക​ത്തു​ത​ന്നെ ച​രി​ത്ര​മാ​ണ്.

കത്തിജ്വലിക്കുന്ന പെൺ ശബ്ദം

പൊ​തു​ജീ​വി​ത​ത്തി​ലും സ്വ​കാ​ര്യ ജീ​വി​ത​ത്തി​ലും അ​ര്‍​പ്പ​ണ​മ​നോ​ഭാ​വ​ത്തി​ന്‍റെ​യും മ​ന​ക്ക​രു​ത്തി​ന്‍റെ​യും പ്ര​തീ​ക​മാ​യി​രു​ന്നു ഗൗ​രി​യ​മ്മ. അ​തു​കൊ​ണ്ടു​ത​ന്നെ രാ​ഷ്‌​ട്രീ​യ കേ​ര​ളം അ​വ​രു​ടെ വാ​ക്കു​ക​ള്‍​ക്കാ​യി കാ​തോ​ര്‍​ത്തു​മി​രു​ന്നു. ഉ​ള്ള​തു വെ​ട്ടി​ത്തു​റ​ന്നു പ​റ​യു​ക​യെ​ന്ന​താ​യി​രു​ന്നു ഗൗ​രി​യ​മ്മ​യു​ടെ ശീ​ലം. അ​ഴി​മ​തി​യു​ടെ നേ​രെ അ​വ​ര്‍ കാ​ര്‍​ക്ക​ശ്യ​ക്കാ​രി​യാ​യി. മ​ന്ത്രി​യാ​യി​രു​ന്ന സ​മ​യ​ത്ത് ഉ​ദ്യോ​ഗ​സ്ഥ​ര്‍​ക്ക് ഗൗ​രി​യ​മ്മ​യെ ഭ​യ​മാ​യി​രു​ന്നു​വെ​ന്ന​തു പ​ര​സ്യ​മാ​യ ര​ഹ​സ്യം. അ​പ്രി​യ സ​ത്യ​ങ്ങ​ള്‍ വെ​ട്ടി​ത്തു​റ​ന്നു​പ​റ​യു​ന്ന പ്ര​കൃ​തം. ജ​ന​ങ്ങ​ള്‍​ക്കു വേ​ണ്ടി ന​ട​പ്പി​ലാ​ക്കേ​ണ്ട ഏ​തു​കാ​ര്യ​ത്തി​നും അ​വ​ര്‍ ഉ​ദ്യോ​ഗ​സ്ഥ​രോ​ടു ക​ര്‍​ക്ക​ശ നി​ല​പാ​ട് സ്വീ​ക​രി​ക്കു​ക​യും ചെ​യ്തി​രു​ന്നു.

Read Also: ‘മാധ്യമങ്ങള്‍ സംഘപരിവാറിന് കീഴടങ്ങിക്കൊണ്ടിരിക്കുകയാണ്’; ഏഷ്യാനെറ്റിന്റെ മാപ്പപേക്ഷയിൽ രോഷാകുലയായി രശ്മിത