KeralaLatest NewsNews

തന്റെ പേരില്‍ ധനസഹായാഭ്യര്‍ത്ഥന നടത്തി വ്യാപകമായി പണം തട്ടുന്നു; മുഖ്യമന്ത്രിക്ക് പരാതി നല്‍കി മുല്ലപ്പള്ളി

മുഖ്യമന്ത്രിക്കും കേരള പൊലീസ് മേധാവിക്കും മുല്ലപ്പള്ളി പരാതി നൽകി.

തിരുവനന്തപുരം: വ്യാജ ഇ-മെയില്‍ ഐഡിയിലൂടെ തന്റെ പേരില്‍ ധനസഹായാഭ്യര്‍ത്ഥന നടത്തി വ്യാപകമായി പണം തട്ടിപ്പ് നടത്തുന്നുവെന്ന പരാതിയുമായി കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. ഇതിനെതിരെ മുഖ്യമന്ത്രി പിണറായി വിജയനും ഡിജിപിക്കും പരാതി നല്‍കിയതായും മുല്ലപ്പള്ളി അറിയിച്ചു.

read also: കേരളം ഇന്ന് പട്ടിണിയില്ലാതെ പോകുന്നത്, പിണറായിയുടെ കിറ്റ് കൊണ്ടല്ല, ഒരു കിറ്റുകൊണ്ടൊന്നും പട്ടിണി പോകില്ല; പിസി ജോര്‍ജ്

കഴിഞ്ഞ ദിവസങ്ങളില്‍ ഇത്തരം തട്ടിപ്പ് വ്യാപകമായി നടന്നതായി സഹപ്രവര്‍ത്തകർ ശ്രദ്ധയില്‍പ്പെടുത്തിയെന്നും ഇത്തരം തട്ടിപ്പ് സംഘത്തിന്റെ വലയില്‍ വീഴാതിരിക്കാന്‍ എല്ലാവരും ജാഗ്രത പുലര്‍ത്തണമെന്നും അദ്ദേഹം പറഞ്ഞു

തന്റെ പേരില്‍ വ്യാജ ഇ-മെയില്‍ ഐഡി ഉണ്ടാക്കി തട്ടിപ്പ് നടത്തുന്നവരെ എത്രയും വേഗം പിടികൂടി നിയമത്തിന് മുന്നില്‍ കൊണ്ടുവരണമെന്നാവശ്യപ്പെട്ട് മുഖ്യമന്ത്രിക്കും കേരള പൊലീസ് മേധാവിക്കും മുല്ലപ്പള്ളി പരാതി നൽകി.

shortlink

Related Articles

Post Your Comments


Back to top button