KeralaLatest NewsNews

വനിതാ സെലിബ്രിറ്റികളേ, നല്ല ബോറാണു കെട്ടോ; ഞരമ്പ്‌ കമന്റ്‌ സെലിബ്രിറ്റി സൃഷ്ടിക്കുന്നതോ ? സോഷ്യൽ മീഡിയ കുറിപ്പ്

ശ്രദ്ധിക്കപ്പെടാൻ എന്ത്‌ ചെയ്യണം? ചിലർക്ക്‌ ആർട്ടിഫിഷ്യൽ വിവാദങ്ങളോട്‌ ഏറെ താൽപര്യമാണ്‌. ഡേറ്റിംഗ്‌, പ്രണയം, ഉൾപ്പെട്ട വിവാദങ്ങൾ..!

കഴിഞ്ഞ ദിവസം നടിയും അവതാരകയുമായ അശ്വതി ശ്രീകാന്ത് തന്റെ ചിത്രത്തിന് മോശം കമന്റ് അയച്ച വ്യക്തിയ്ക്ക് നൽകിയ മറുപടി സോഷ്യൽ മീഡിയയിൽ വൈറൽ ആയിരുന്നു. നിരവധി പേരാണ് താരത്തിന് പിന്തുണയുമായി എത്തിയത്. പലപ്പോഴും നടിമാർ സോഷ്യൽ മീഡിയയിൽ പങ്കുവയ്ക്കുന്ന ചിത്രങ്ങൾക്ക് ഞരമ്പൻ കമന്റുമായി എത്തുന്നവർക്ക് നടിമാർ മറുപടി നൽകുന്നത് വാർത്തയിൽ നേടാറുണ്ട്. എന്നാൽ ഇപ്പോൾ സോഷ്യൽ മീഡിയയിൽ പുതിയ ചർച്ച ഇത് വനിതാ സെലിബ്രിറ്റികൾ ശ്രദ്ധനേടാൻ മനപ്പൂർവ്വം സൃഷ്ടിക്കുന്നത് ആണെന്നാണ്.

പി.ആർ മേഖലയിൽ സജീവമായുള്ള ഹൈൻസ് ആണ് പോസ്റ്റ് എഴുതിയിരിക്കുന്നത്. ബിഗ് ബോസ് താരം സാബു മോൻ ഈ പോസ്റ്റ് പങ്കുവച്ചിട്ടുണ്ട്. അതിനു താഴെ പ്രതിഷേധം ശക്തമാകുന്നു

പോസ്റ്റ് പൂർണ്ണ രൂപം

“വനിതാ സെലിബ്രിറ്റികളേ, നല്ല ബോറാണു കെട്ടോ; നിങ്ങൾ സ്വയം മനസിലാക്കണം, നിങ്ങൾ പറഞ്ഞുകൊടുക്കണം നിങ്ങളുടെ പേഴ്സണൽ പ്രൊഫൈൽ/പേജ്‌ മാനേജ്‌ ചെയ്യുന്നവരോട്‌..”

read also: കിളവിക്ക് കണക്കിന് കിട്ടിയല്ലോ, പെണ്ണുമ്പിള്ളയുടെ അഹങ്കാരത്തിന് കിട്ടിയതാ…; സദാചാരക്കാർക്ക് മറുപടിയുമായി ലിസ് ലോണ
_______________________________
(പി.ആർ മേഖലയിൽ സജീവമായുള്ള ഒരാൾ എന്ന നിലയിൽ, വ്യക്തമായി ബോധ്യമുള്ള ചില വിവരങ്ങളുടെ അടിസ്ഥാനത്തിൽ എഴുതുന്ന പോസ്റ്റ്‌:)
_______________________________
ശ്രദ്ധിക്കപ്പെടുക, വാർത്തകൾ പ്രചരിക്കുക, പുകഴ്ചകൾ ലഭിക്കുക, അതിൽ മതിമറക്കുക, കൈയ്യടി നേടുക, പ്രശസ്തി വർദ്ധിക്കുക, അവസരങ്ങൾ ലഭിക്കുക ഇതൊക്കെയാണ്‌ പലപ്പോഴും സെലിബ്രിറ്റികൾ ഏറ്റവുമധികം ആഗ്രഹിക്കുന്നത്‌! കഴിവുകൾ ഉള്ള ഭൂരിഭാഗമാളുകളെയും തേടി അവസരങ്ങൾ വരാറുണ്ട്‌.! എന്നാൽ മറ്റു ചിലരെ സംബന്ധിച്ചോ? അവർ ആഗ്രഹിക്കുന്നത്ര ശ്രദ്ധിക്കപ്പെടുന്നില്ല.

അപ്പോൾ ശ്രദ്ധിക്കപ്പെടാൻ എന്ത്‌ ചെയ്യണം? ചിലർക്ക്‌ ആർട്ടിഫിഷ്യൽ വിവാദങ്ങളോട്‌ ഏറെ താൽപര്യമാണ്‌. ഡേറ്റിംഗ്‌, പ്രണയം, ഉൾപ്പെട്ട വിവാദങ്ങൾ..! ബോളിവുഡിൽ പലരും പയറ്റി വിജയം കണ്ട ഈ രീതി മലയാളത്തിൽ/ഒരു ചെറിയ ഇൻഡസ്ട്രിയിൽ അത്ര കണ്ട്‌ ഫലപ്രദമല്ല. ചിലർ ‘പോസ്‌ ചെയ്യുന്ന കാൻഡിഡ്‌ ചാരിറ്റി’ പ്രവർത്തനങ്ങൾ നടത്തി, ഞാൻ ചെയ്ത കാര്യം എന്ന നിലയിൽ വീഡിയോകൾ സൃഷ്ടിച്ച്‌ ശ്രദ്ധ ക്ഷണിച്ച്‌ വരുത്തും! ഞാനൊന്നുമറിഞ്ഞില്ലേ എന്ന മട്ടിൽ വാർത്തകളാക്കും! ചില സെലിബ്രിറ്റികൾ/വനിതാ സെലിബ്രിറ്റികൾ (നോട്ട്‌ ദ പോയന്റ്‌, ചില സെലിബ്രിറ്റികൾ) തന്നിലേയ്ക്ക്‌ ശ്രദ്ധ ക്ഷണിക്കാൻ ക്രിയേറ്റ്‌ ചെയ്യുന്ന ചില സംഭവങ്ങൾ ഇപ്രകാരമായേക്കാം:

read also: ബ്ലാക്ക് ഫംഗസ് രോഗബാധ; അതീവ ജാഗ്രത വേണമെന്ന് കേന്ദ്രം; സംസ്ഥാനങ്ങൾക്ക് കത്തയച്ച് കേന്ദ്രം

മുൻകൂർ തയ്യാറാക്കുന്ന സ്ക്രിപ്റ്റ്‌ പ്രകാരം, ഫേക്ക്‌ പ്രൊഫൈൽ ഉപയോഗിച്ച്‌ വനിതാ സെലിബ്രിറ്റികളുടെ ഫോട്ടോയ്ക്ക്‌ ചുവടെ ഒരാൾ(!) ഞരമ്പ്‌ കമന്റ്‌ ചെയ്യുന്നു; കൃത്യസമയത്ത്‌ വനിതാ സെലിബ്രിറ്റി ചുട്ട മറുപടി കൊടുക്കുന്നു; ദുർബല ഹൃദയർ, പാൽക്കുപ്പികൾ, പകൽ നീതിമാന്മാരായ ആങ്ങളമാർ, നന്മ അമ്മാവന്മാർ, വിഡ്ഢികളായ മറ്റ്‌ പലർ ചേർന്ന് പ്രസ്തുത ഫേക്ക്‌ പ്രൊഫൈലിനെ തെറിവിളിക്കുന്നു, നായികയുടെ കമന്റിനു പാലഭിഷേകം നടത്തുന്നു, സ്ക്രീൻഷോട്ട്‌ എടുക്കുന്നു, സ്റ്റാറ്റസ്‌, സ്റ്റോറീസ്‌, മാസ്സ്‌ ബി.ജി.എം, വൈറൽ ജഗപൊക.!

ഇതിന്‌ വ്യക്തമായ പ്ലാനിംഗ്‌ ആവശ്യമാണ്‌. ഞരമ്പ്‌ കമന്റ്‌ വനിതാ സെലിബ്രിറ്റിയുടെ ഏത്‌ ശരീരഭാഗത്തേക്കുറിച്ച്‌ എഴുതണം, ഏതു തരത്തിലുള്ള ഫോട്ടോ ഉപയോഗിക്കണം, എങ്ങനെയൊക്കെ മറുപടി കമന്റ്‌ എഴുതണം, റിപ്ലേ കമന്റിൽ എത്രത്തോളം സാഹിത്യം ഉൾപ്പെടുത്തണം, എവിടെയൊക്കെ പ്രചരിപ്പിക്കണം.. ഇതെല്ലാം കൂടിയാലോചിക്കണം. കൃത്യസമയത്ത്‌ തന്നെ ആദ്യത്തെ റിപ്ലേ കമന്റായി വനിതാ സെലിബ്രിറ്റിയുടെ കമന്റ്‌ വരണം; (അഥവാ ഇടയിൽ കയറി വന്ന കമന്റ്‌ ഡിലീറ്റ്‌ ചെയ്യണം – പഞ്ച്‌ പോകരുതല്ലോ!) വാർത്ത പ്രചരി(പ്പി)ക്കുന്നു, ആഹാ കുറഞ്ഞ ചിലവിൽ ഫോളോവേഴ്സ്‌ വർദ്ധിക്കുന്നു.!
ഇനി ആ ഫേക്ക്‌ പ്രൊഫൈലിൽ ഒന്ന് കയറി നോക്കാം; ആരാണിയാൾ? എന്തുപറ്റി? അശ്ലീല കമന്റ്‌ ഇടുന്ന ഒരുത്തനു പോലുമില്ലെഡേയ്‌ ഒറിജിനൽ പ്രൊഫൈൽ..? ഒരുപക്ഷേ ഇത്‌ നമ്മുടെ വനിതാ സെലിബ്രിറ്റിയുടെ പ്രൊഫൈൽ/പേജ്‌ മാനേജ്‌ ചെയ്യുന്ന ഒന്നോ അതിലധികമോ വ്യക്തികളാവാം, ഏജൻസികൾ ആവാം! ഇപ്പറഞ്ഞ വനിതാ സെലിബ്രിറ്റി തന്നെയാവാം!‌ അഥവാ വിപത്കരമായ ഇത്തരം കമന്റുകൾ ജനറേറ്റ്‌ ചെയ്തുവിടുന്ന പ്രൊഫൈലുകൾക്കെതിരെ/വ്യക്തികൾക്കെതിരെ നിയമപരമായ ഒരു മൂവ്‌മെന്റും ഇത്തരം സാഹചര്യത്തിൽ വനിതാ സെലിബ്രിറ്റികൾ നടത്തിയതായി കാണാറില്ല, ഇത്തരക്കാർക്കെതിരെ മാതൃകാപരമായി നടപടിയെടുത്ത്‌, സമൂഹത്തിനു മുന്നിൽ തുറന്നുകാട്ടാറുമില്ല!‌ പകരം ഇത്തരത്തിലുള്ള ഒരു റിപ്ലേ കമന്റുകൊണ്ട്‌ അവർ തൃപ്തരാകുന്നു. വൈരുദ്ധ്യം തോന്നുന്നില്ലേ?
ഈ കാമ്പെയിൻ നിർവ്വഹിക്കുന്നത്‌ ചിലപ്പോൾ പ്രസ്തുത വനിതാ സെലിബ്രിറ്റിയുടെ പി.ആർ. ടീം ആയേക്കാം; പ്രൊഫൈൽ/പേജ്‌ മാനേജ്‌ ചെയ്യുന്ന ഏതെങ്കിലുമൊരാൾ ആയേക്കാം. പക്ഷേ വനിതാ സെലിബ്രിറ്റി അറിഞ്ഞുകൊണ്ട്‌ തന്നെയേ ഇപ്രകാരമുള്ള കാമ്പെയിനുകൾ നടക്കാനിടയുള്ളു! ദുഃഖകരമെന്ന് പറയട്ടെ, ഇവിടെ വനിതാ സെലിബ്രിറ്റികൾ അർപ്പിക്കുന്ന മിക്ക ‘ചുട്ട മറുപടി’കളും ഈ വിധത്തിൽ ആവിഷ്കരിക്കപ്പെട്ടവയാണ്‌.!

വാർത്താ പ്രാധാന്യമുള്ള കണ്ടന്റുകളില്ലാതെ നെടുവീർപ്പിടുന്ന ചില മാധ്യമങ്ങൾക്ക്‌ ഇതൊരു ആഘോഷ വിഷയമായേക്കാം! വിശേഷിച്ച്‌ മഞ്ഞമാധ്യമങ്ങൾക്ക്‌!! “ഈ നടിയുടെ മാറിടത്തേപ്പറ്റി കമന്റ്‌ ചെയ്ത ആൾക്ക്‌ നായിക നൽകിയ മറുപടി” എന്ന തലക്കെട്ടോടുകൂടി മസാല ചേർത്ത്‌, ആളുകളെ ലിങ്കിൽ ക്ലിക്ക്‌ ചെയ്യാൻ പ്രേരിപ്പിക്കുമ്പോൾ അവിടെയും സ്വശരീരം/സ്ത്രീത്വം തന്നെയല്ലേ വിറ്റഴിക്കപ്പെടുന്നത്‌? ഈ വിധത്തിൽ കാമ്പെയിനുകൾ നടത്തുവാൻ അനുവാദം കൊടുക്കുന്ന വനിതാ സെലിബ്രിറ്റികൾ അപമാനിക്കുന്നതും താനുൾപ്പെട്ട സമൂഹത്തെത്തന്നെയല്ലേ?

ഇനി ഇത്തരത്തിൽ ഞരമ്പ്‌ കമന്റ്‌ ഇട്ട്‌, ആത്മനിർവൃതിയടയുന്ന വിധം മാനസികാവസ്ഥയുള്ള ഒരാളെക്കുറിച്ച്‌ നോക്കാം; അയാൾക്ക്‌ തോന്നുകയാണ്‌, ഈ പ്രത്യേക സെലിബ്രിറ്റിയുടെ പേജിൽ അവരുടെ ശരീരത്തേപ്പറ്റി കമന്റ്‌ ചെയ്തതുകൊണ്ട്‌ എന്താ ഇത്ര നഷ്ടം? കൂടിപ്പോയാൽ ഒരു മറുപടി കമന്റ്‌! അത്രയല്ലേ ഉള്ളൂ? ആ വ്യക്തിക്ക്‌ തക്കതായ ശിക്ഷ ലഭിക്കാത്തതിനാൽ അയാൾ ഇത്‌ തുടർന്നുകൊണ്ടേയിരിക്കും!
ഇത്രത്തോളം വൈകല്യം നിറഞ്ഞ, അങ്ങേയറ്റം ലൈംഗികദാരിദ്ര്യം അനുഭവിക്കുന്ന, ഹീനമായ മാനസികാവസ്ഥയിൽ ജീവിക്കുന്ന, രോഗാവസ്ഥയിലുള്ള, ആ രോഗം ഫേസ്ബുക്കിൽ കമന്റുകളായി നിക്ഷേപിക്കുന്ന ആളുകൾ എത്രത്തോളമുണ്ടെന്നറിയില്ല; അപ്രകാരം ജീവിക്കുന്ന, ഈ സമൂഹത്തിനുതന്നെ അപമാനമായ ഇക്കൂട്ടർക്കെതിരെ വനിതാ സെലിബ്രിറ്റികൾ നടപടിയെടുക്കാതിരിക്കുന്നത്‌, പരോക്ഷമായി അവർക്ക്‌ നൽകുന്ന പ്രോത്സാഹനം ആയേക്കില്ലേ? അവർ ഇത്‌ മറ്റുള്ള ആളുകളുടെ പ്രൊഫൈലുകളിലും ഇപ്രകാരം ആവർത്തിക്കില്ലേ? ഇത്തരത്തിൽ കമന്റ്‌ ചെയ്തുകൊണ്ടേയിരിക്കുന്ന പുരുഷന്മാർ(?) മറ്റുള്ള പുരുഷന്മാർക്ക്‌ എത്രയധികം നിന്ദയാണ്‌ കൈവരുത്തുന്നത്‌!
_______________________________
വനിതാ സെലിബ്രിറ്റികളേ… നിങ്ങളെത്തന്നെ പ്രശസ്തിയുടെ ഔന്നത്യത്തിലെത്തിക്കാൻ, ഒന്നാമതായി നിങ്ങൾ കഴിവുള്ളവരായിരിക്കുക. എളുപ്പവഴികൾ നോക്കാതിരിക്കുക. നിങ്ങളുടെ തന്നെ ശരീരത്തെ വർണ്ണിച്ചും, ലൈംഗികച്ചുവയുള്ളതുമായ വർണ്ണനകൾ സ്വയമെഴുതി സ്വയം കമന്റ്‌ ചെയ്ത്‌ സ്വയം പ്രശസ്തരായി മുഴു മനുഷ്യസമൂഹത്തെയും അപമാനിക്കുന്ന പരിപാടി അവസാനിപ്പിക്കുക. അഥവാ നിങ്ങളെ‌ അപമാനിക്കും വിധം നിങ്ങളുടെ ഫോട്ടോകൾക്ക്‌ ചുവടെ കമന്റുകൾ ചെയ്യുന്നവർക്കെതിരെ ശക്തമായി, മാതൃകാപരമായി നടപടിയെടുക്കുക. സ്വയം അപഹാസ്യരാവാതിരിക്കുക, ഒപ്പം പൊതുജനങ്ങളെ വിഡ്ഢികളാക്കാതിരിക്കുക.

ഓഹ് ഡാർക്ക്.

Posted by Sabumon Abdusamad on Wednesday, May 19, 2021

shortlink

Related Articles

Post Your Comments


Back to top button