Latest NewsNewsIndia

ഓൺലൈൻ ക്ലാസിൽ തോർത്ത് മാത്രം ഉടുത്ത് അധ്യാപകൻ; അശ്ലീല സന്ദേശങ്ങൾ അയക്കും; പരാതിയുമായി വിദ്യാർത്ഥികൾ

ചെന്നൈ: സ്വകാര്യ സ്‌കൂളിലെ അധ്യാപകനെതിരെ പരാതിയുമായി വിദ്യാർത്ഥികൾ. തമിഴ്‌നാട്ടിലാണ് സംഭവം. ചെന്നൈ കെ.കെ. നഗർ പി.എസ്.ബി.ബി. സ്‌കൂളിലെ കൊമേഴ്‌സ് അധ്യാപകനായ രാജഗോപാലനെതിരെയാണ് വിദ്യാർഥികൾ പരാതിയുമായി രംഗത്തെത്തിയത്. ഓൺലൈൻ ക്ലാസിൽ തോർത്ത് മാത്രം ഉടുത്തു കൊണ്ടാണ് അധ്യാപകൻ എത്തുന്നതെന്നും തങ്ങൾക്ക് അശ്ലീല സന്ദേശങ്ങൾ അയക്കാറുണ്ടെന്നും വിദ്യാർത്ഥികൾ ആരോപിക്കുന്നു. ലൈംഗികച്ചുവയോടെയാണ് അധ്യാപകൻ വിദ്യാർത്ഥികളോട് ഇടപഴകുന്നതെന്നും പരാതിയിൽ പറയുന്നു.

Read Also: കോവിഡ് ബാധിതര്‍ക്കുള്ള ഭക്ഷണപ്പൊതികള്‍ തയ്യാറാക്കി ബിജെപി നേതാവ് എസ്. സുരേഷ്; കയ്യടിച്ച് സോഷ്യല്‍ മീഡിയ

പെൺകുട്ടികളോട് അവരുടെ ചിത്രങ്ങൾ അയച്ചു നൽകാൻ അധ്യാപകൻ ആവശ്യപ്പെടുകയും ചെയ്തിരുന്നു. സ്‌കൂളിലെ പൂർവ്വ വിദ്യാർത്ഥികളും അധ്യാപകനെതിരെ പരാതിയുമായി രംഗത്തെത്തിയിട്ടുണ്ട്. ചില വിദ്യാർത്ഥികൾ അധ്യാപകനെതിരെ പരസ്യമായാണ് രംഗത്തെത്തിയിരിക്കുന്നത്.

അധ്യാപകൻ പെൺകുട്ടികളെ ഉപദ്രവിച്ചിരുന്നതായും മോശമായ രീതിയിൽ സ്പർശിച്ചിരുന്നതായുമാണ് പൂർവ്വവിദ്യാർഥികൾ പറയുന്നത്. പരാതിപ്പെട്ടാൽ ഗ്രേഡ് കുറയ്ക്കുമെന്ന് പറഞ്ഞ് ഭീഷണിപ്പെടുത്തിയതായും വിദ്യാർത്ഥികൾ പരാതിപ്പെടുന്നു.

സംഭവം വിവാദമായതോടെ അധ്യാപകനെതിരെ നടപടി സ്വീകരിക്കുമെന്ന് സ്‌കൂൾ അധികൃതർ അറിയിച്ചിട്ടുണ്ട്.

Read Also: ‘പലസ്തീനു ശേഷം ലക്ഷദ്വീപിനെ രക്ഷിക്കാനിറങ്ങി കോൺഗ്രസും സിപിഎമ്മും’; പൊളിച്ചടുക്കി സന്ദീപ് വാചസ്പതി

shortlink

Related Articles

Post Your Comments

Related Articles


Back to top button