COVID 19Latest NewsNewsIndia

കോവിഡ്​ രണ്ടാം തരംഗത്തിന്​ ശേഷം രാജ്യത്ത് വൻ വിലക്കയറ്റത്തിന് സാധ്യതയെന്ന് റിപ്പോർട്ട്

ന്യൂഡല്‍ഹി : കോവിഡ്​ രണ്ടാം തരംഗത്തിന്​ പിന്നാലെ രാജ്യത്ത്​ നിരവധി ഉല്‍പന്നങ്ങളുടെ വില വര്‍ധിക്കാന്‍ സാധ്യതയെന്ന് റിപ്പോർട്ട്. ആഗോളതലത്തില്‍ ഷിപ്പിങ്​ ചാര്‍ജുകള്‍ വര്‍ധിച്ചതാണ്​ വില വര്‍ധനക്കുള്ള പ്രധാനകാരണമെന്നാണ് സൂചന.

Read Also : കോവിഡ് വ്യാപനം : 26 രാജ്യങ്ങളില്‍ നിന്നുള്ളവര്‍ക്ക്​ യാത്രാ വിലക്ക് ഏർപ്പെടുത്തി പാകിസ്​താന്‍ 

​വിവിധ രാജ്യങ്ങളിലേക്കുള്ള ഉല്‍പന്നങ്ങളുടെ 80 ശതമാനവും കടലിലൂടെയാണ്​ കൊണ്ടു പോകുന്നത്​. അതുകൊണ്ട്​ ഷിപ്പിങ്​ ചാര്‍ജ്​ വര്‍ധിക്കുന്നത്​ ഉല്‍പന്നങ്ങളുടെ വില വര്‍ധനവിനും കാരണമാകും. ഉല്‍പന്നങ്ങളുടെ വര്‍ധിക്കുന്ന ആവശ്യകതക്കനുസരിച്ച്‌​ വിതരണം ചെയ്യാന്‍ സാധിക്കാത്തതും സ്ഥിതി ​രൂക്ഷമാക്കുന്നുണ്ട്​. പല ഏഷ്യന്‍ രാജ്യങ്ങളിലെ തുറമുഖങ്ങളും കോവിഡിന്റെ പിടിയിലാണ്​. തുറമുഖങ്ങളില്‍ ആവശ്യത്തിന്​ തൊഴിലാളികളെ ലഭ്യമാകാത്തതും പ്രശ്​നത്തിന്റെ ഗൗരവം വര്‍ധിപ്പിക്കുന്നുണ്ട്​.

400 അടി നീളമുള്ള സ്​റ്റീല്‍ കണ്ടൈനര്‍ കാര്‍ഗോ ഷാങ്​ഹായിയില്‍ നിന്ന്​ റോട്ടര്‍ഡാമിലേക്ക്​ കൊണ്ടു പോകാന്‍ 10,522 ഡോളറാണ്​ ഇപ്പോഴത്തെ നിരക്ക്​. സാധാരണയുള്ളതിനേക്കാളും 547 ശതമാനം അധിമാണിത്. ​ഒന്നുകില്‍ കച്ചവടം നിര്‍ത്തുക അല്ലെങ്കില്‍ വില വര്‍ധിപ്പിക്കുക എന്നുള്ളതാണ്​ റീടെയില്‍ വില്‍പനക്കാര്‍ക്ക്​ മുന്നിലുള്ള പ്രധാന പോംവഴി. ലോക്​ഡൗണുകള്‍ മാറി വിപണികള്‍ വീണ്ടും ഉയരുന്നതോടെ ഉയര്‍ന്ന ഷിപ്പിങ്​ ചാര്‍ജി​ന്റെ ഭാരം ഉപഭോക്​താക്കള്‍ക്ക്​ അനുഭവപ്പെടുമെന്നാണ്​ റിപ്പോർട്ട്.

shortlink

Related Articles

Post Your Comments

Related Articles


Back to top button