ചെന്നൈ : ദുരിതാശ്വാസ നിധിയിലേക്ക് തന്റെ ആകെയുള്ള സമ്പാദ്യമായ രണ്ട് പവന്റെ മാല സംഭാവന ചെയ്ത യുവതിക്ക് ജോലി വാഗ്ദാനം ചെയ്ത് തമിഴ്നാട് മുഖ്യമന്ത്രി എം.കെ. സ്റ്റാലിൻ. ആര്‍. സൗമ്യ എന്ന യുവതിയാണ് സറ്റാലിന്‍ മേട്ടൂര്‍ ഡാം സന്ദര്‍ശിക്കാനെത്തിയ വേളയിൽ സ്വര്‍ണമാല നൽകിയത്. ഒപ്പം ഒരു കത്തും നൽകിയിരുന്നു.
ന്യൂമോണിയ ബാധിച്ച് മാതാവ് മരിച്ചതാണെന്നും ആവിൻ മിൽക്കിൽ നിന്നും വിരമിച്ച പിതാവിനൊപ്പം വാടകവീട്ടിലാണ് താമസിക്കുന്നതെന്നുമാണ് കത്തിൽ സൗമ്യ എഴുതിയിരുന്നത്. മാതാവിന്‍റെ ചികിത്സക്കായി അച്ഛൻ ജോലിയിൽ നിന്ന് വിരമിച്ചപ്പോൾ ലഭിച്ച സമ്പാദ്യത്തിൽ നിന്ന് കുടുംബം 13 ലക്ഷത്തിലേറെ രൂപ ചെലവാക്കിയതായും കത്തിൽ പറയുന്നു. രണ്ട് സഹോദരിമാരെ വിവാഹം കഴിപ്പിച്ചയക്കുക കൂടി ചെയ്തതോടെ കുടുംബം സാമ്പത്തിക പ്രതിസന്ധിയിലായി. പിതാവിന്‍റെ പെൻഷനിലാണ് കുടുംബം കഴിഞ്ഞുപോകുന്നത്. കൈവശം പണമില്ലാത്തതതിനാലാണ് ദുരിതാശ്വാസ നിധിയിലേക്ക് മാല ഊരി നൽകിയതെന്നും സൗമ്യ കത്തിൽ പറയുന്നു. ഒപ്പം തന്റെ അവസ്ഥ പരിഗണിച്ച് ഒരു സ്വകാര്യ സ്ഥാപനത്തിലെങ്കിലും ജോലി തരപ്പെടുത്തി നൽകണമെന്നും സൗമ്യ കത്തിൽ അഭ്യർഥിച്ചു.
യുവതി നൽകിയ സ്വര്‍ണമാലയും കത്തും ട്വിറ്ററിലൂടെ പങ്കുവെച്ചാണ് സ്റ്റാലിന്‍ ഇക്കാര്യം അറിയിച്ചിരിക്കുന്നത്. കുടുംബത്തിന്‍റെ അവസ്ഥ ബോധ്യമായതോടെ യുവതിയുടെ വിദ്യാഭ്യാസ യോഗ്യതക്കനുസരിച്ചുള്ള ജോലി നൽകുമെന്നും സ്റ്റാലിൻ ട്വിറ്ററിലൂടെ അറിയിക്കുകയായിരുന്നു.
மேட்டூர் அணையைத் திறக்கச் சென்றபோது பெறப்பட்ட மனுக்களில் சகோதரி சௌமியாவின் இக்கடிதம் கவனத்தை ஈர்த்தது.
பேரிடர் காலத்தில் கொடையுள்ளத்தோடு உதவ முன்வந்த அவரது எண்ணம் நெஞ்சத்தை நெகிழ வைக்கிறது.
பொன்மகளுக்கு விரைவில் அவரது படிப்பிற்கேற்ற வேலை கிடைக்க உரிய நடவடிக்கை மேற்கொள்ளப்படும். pic.twitter.com/Ioqt6dq5YU
— M.K.Stalin (@mkstalin) June 13, 2021
Post Your Comments