പ്രതിയെ അറസ്റ്റ് ചെയ്യും: ഡോ.രാഹുലിന് പൂര്‍ണ പിന്തുണയെന്ന് ആരോഗ്യമന്ത്രി

തിരുവനന്തപുരം : മാ​വേ​ലി​ക്ക​ര ജി​ല്ലാ ആ​ശു​പ​ത്രി​യി​ല്‍ ജോ​ലി​ക്കി​ടെ ഡോ​ക്ട​ർ ക്രൂ​ര​മാ​യി മ​ർ​ദ​ന​മേ​റ്റ സംഭവത്തി​ൽ ശ​ക്ത​മാ​യ ന​ട​പ​ടി എ​ടു​ക്കു​മെ​ന്ന് ആ​രോ​ഗ്യ​മ​ന്ത്രി വീ​ണ ജോ​ർ​ജ്.. പ്രതിയായ പൊലീസുകാരനെ അറസ്റ്റ് ചെയ്യാന്‍ നിര്‍ദേശിച്ചിട്ടുണ്ട്. മാവേലിക്കരയിൽ ഡോക്ടർ അക്രമത്തിനിരയായ സംഭവത്തിൽ ഡി.ജി.പിയോട് വിവരങ്ങൾ തേടി. ഡോക്ടര്‍മാര്‍ക്കുണ്ടാകുന്ന ബുദ്ധിമുട്ട് ഉള്‍ക്കൊള്ളുന്നുവെന്നും ആരോഗ്യമന്ത്രി പറഞ്ഞു.

ആരോഗ്യ പ്രവര്‍ത്തകര്‍ക്ക് നേരെയുള്ള അതിക്രമങ്ങള്‍ ഒരു കാരണവശാലും ന്യായീകരിക്കാനോ അംഗീകരിക്കാനോ കഴിയില്ല. കോവിഡ് ഡ്യൂട്ടിക്കിടയില്‍ ഡോ. രാഹുലിനെ മര്‍ദിച്ച സംഭവം അങ്ങേയറ്റം അപലപനീയമാണ്. ഈ വിഷയത്തില്‍ ഡോ. രാഹുലിന്റെ വിഷമം മനസിലാക്കുന്നു. ഇതുപോലുള്ള സംഭവങ്ങളില്‍ അതിശക്തമായ നടപടിയുണ്ടാകും. ഈ സംഭവത്തില്‍ അദ്ദേഹത്തിനൊപ്പമാണുള്ളതെന്നും മന്ത്രി വ്യക്തമാക്കി.

Read Also  :  നെടുമ്പാശ്ശേരിയിൽ വൻ സ്വർണ്ണവേട്ട: മൂന്ന് മലപ്പുറം സ്വദേശികൾ പിടിയിൽ

പോ​ലീ​സു​കാ​ര​നെ​തി​രെ ന​ട​പ​ടി​യെ​ടു​ക്കാ​ത്ത​തി​ല്‍ പ്ര​തി​ഷേ​ധി​ച്ച് മാ​വേ​ലി​ക്ക​ര ജി​ല്ലാ ആ​ശു​പ​ത്രി​യി​ല്‍ ഡോ​ക്ട​ര്‍ പ്ര​തി​ഷേ​ധം തു​ട​രു​ന്ന​തി​നി​ടെ​യാ​ണ് ആ​രോ​ഗ്യ​മ​ന്ത്രി​യു​ടെ ഉ​റ​പ്പ്. ഇ​ട​തു​പ​ക്ഷ പ്ര​വ​ര്‍​ത്ത​ക​നാ​യി​ട്ടു പോ​ലും നീ​തി കി​ട്ടി​യി​ല്ലെ​ന്നും രാ​ജി​വ​യ്ക്കു​ക​യാ​ണെ​ന്നും മ​ർ​ദ​ന​ത്തി​നി​ര​യാ​യ ഡോ​ക്ട​ർ രാ​ഹു​ല്‍ മാ​ത്യു ഫേ​സ്ബു​ക്ക് പോ​സ്റ്റ് ഇ​ട്ടി​രു​ന്നു. സി​.പി​.ഒ അ​ഭി​ലാ​ഷ് ച​ന്ദ്ര​നാ​ണ് രാ​ഹു​ല്‍ മാ​ത്യു​വി​നെ മ​ര്‍​ദി​ച്ച​ത്.