Latest NewsNewsInternational

സിറിയയിലും ഇറാഖിലും വ്യോമാക്രമണം നടത്തി യു.എസ്​: ഒരു കുട്ടിയുള്‍പെടെ 5 പേര്‍ മരിച്ചതായി സിറിയ

ഇറാഖില്‍ നിലവില്‍ യു.എസ്​ 2,500 സൈനികരാണ്​ അവശേഷിക്കുന്നത്​.

ബഗ്​ദാദ്​: ഇറാഖിലും സിറിയയിലും വ്യോമാക്രമണവുമായി വീണ്ടും യു.എസ്. ഇറാഖിലെ യു.എസ്​ സൈനിക കേന്ദ്രങ്ങള്‍ക്കു നേരെയുണ്ടായ ആക്രമണത്തിന്​ തിരിച്ചടിയെന്നോണമാ​ണ്​ ബോംബുകള്‍ വര്‍ഷിച്ചതെന്നാണ്​ വിശദീകരണം. ഇറാന്‍ പിന്തുണയോടെയുള്ള ശിയാ മിലീഷ്യകളെ ലക്ഷ്യമിട്ടുള്ള വ്യോമാക്രമണത്തില്‍ ഒരു കുട്ടിയുള്‍പെടെ അഞ്ചു പേര്‍ മരിച്ചതായി സിറിയന്‍ ഒബ്​സര്‍വേറ്ററി റിപ്പോര്‍ട്ട്​ ചെയ്​തു.

ജോ ബൈഡന്‍ യു.എസ്​ പ്രസിഡന്‍റായി അധികാരമേറ്റ ശേഷം രണ്ടാമതാണ്​ ശിയ മിലീഷ്യകള്‍ക്കു നേരെ ആക്രമണം. ഇറാഖില്‍ നടന്ന റോക്കറ്റാക്രമണത്തെ തുടർന്ന് കഴിഞ്ഞ ഫെബ്രുവരിയില്‍ സിറിയയിലായിരുന്നു അവസാന ആക്രമണം. കതാഇബ്​ ഹിസ്​ബുല്ല, കതാഇബ്​ സയ്യിദുല്‍ ശുഹദ എന്നിവയുടെ നിയന്ത്രണത്തിലുള്ള സിറിയയില്‍ രണ്ടും ഇറാഖില്‍ ഒന്നും കേന്ദ്രങ്ങളിലായിരുന്നു ആക്രമണം.

Read Also: കോവിഡ് പ്രതിരോധ മരുന്നെന്ന വ്യാജേന നല്‍കിയത് വിഷ ഗുളികകള്‍, അമ്മയും മകളും മരിച്ചു: അയല്‍വാസി അറസ്റ്റിൽ

യു.എസിനെതിരെ പ്രതികാരനടപടികളുണ്ടാകുമെന്ന്​ ഇരു സംഘങ്ങളും നേരത്തെ മുന്നറിയിപ്പ്​ നല്‍കിയിരുന്നു. രണ്ടും ചേര്‍ന്ന പോപുലര്‍ മൊബൈലൈസേഷന്‍ ഫോഴ്​സസ്​ ഇറാഖില്‍ ശക്​തമായ സാന്നിധ്യമാണ്​. ഇറാഖില്‍ നിലവില്‍ യു.എസ്​ 2,500 സൈനികരാണ്​ അവശേഷിക്കുന്നത്​. ഈ വര്‍ഷത്തിനിടെ 40 ആക്രമണങ്ങള്‍ രാജ്യത്തെ സൈനിക കേന്ദ്രങ്ങള്‍ക്കു നേരെയുണ്ടായതാണ്​ കണക്ക്​. ഞായറാഴ്​ച രാത്രിയുണ്ടായ ആക്രമണത്തില്‍ എഫ്​-15, എഫ്​-16 യുദ്ധ വിമാനങ്ങള്‍ പ​ങ്കെടുത്തു.

shortlink

Related Articles

Post Your Comments

Related Articles


Back to top button