![](/wp-content/uploads/2021/07/kripsankar.jpg)
മുംബൈ: കോൺഗ്രസ് നേതാവും മുൻമന്ത്രിയുമായ കൃപശങ്കർ സിങ് ബിജെപി അംഗത്വം സ്വീകരിച്ചു. ബി.ജെ.പി മഹാരാഷ്ട്ര സംസ്ഥാന അധ്യക്ഷൻ ചന്ദ്രകാന്ത് പാട്ടീൽ, മുൻ മുഖ്യമന്ത്രി ദേവേന്ദ്ര ഫട്നാവിസ് എന്നിവരുടെ സാന്നിധ്യത്തിലാണ് കൃപശങ്കർ സിങ് ബിജെപിയിൽ ചേർന്നത്.
2008-21 വരെ മുംബൈ കോൺഗ്രസ് അദ്ധ്യക്ഷനായിരുന്നു കൃപശങ്കർ സിങ്. മഹാരാഷ്ട്രയിലെ എൻസിപി- കോൺഗ്രസ് സർക്കാരിൽ ആഭ്യന്തര സഹമന്ത്രി കൂടിയായിരുന്നു അദ്ദേഹം. കഴിഞ്ഞ മഹാരാഷ്ട്ര നിയമസഭാ തിരഞ്ഞെടുപ്പിനിടെ ഉണ്ടായ തർക്കങ്ങളെ തുടർന്നാണ് കൃപശങ്കർ സിങ് കോൺഗ്രസുമായി അകന്നത്. കൃപ്ശങ്കർ സിങ് ബിജെപിയിലെത്തുമെന്ന് നേരത്തെ തന്നെ റിപ്പോർട്ടുകൾ ഉണ്ടായിരുന്നു.
Post Your Comments