മുംബൈ : കോവിഡ് വാക്‌സിനെടുത്തതിന് പിന്നാലെ തന്റെ കാഴ്ചശക്തി തിരിച്ചുകിട്ടിയെന്ന അവകാശവാദവുമായി 70-കാരി. മഹാരാഷ്ട്രയിലെ വാഷിം ജില്ലയിലെ ബെന്ദേര്‍വാടി സ്വദേശി മതുരാബായിക്കാണ് കാഴ്ച തിരിച്ചുകിട്ടിയെന്ന അവകാശവാദവുമായി രംഗത്തെത്തിയിരിക്കുന്നത്.സീ ന്യൂസാണ് ഇക്കാര്യം റിപ്പോർട്ട് ചെയ്തിരിക്കുന്നത്.
തിമിരം ബാധിച്ചതിനെ തുടര്‍ന്ന് ഇവര്‍ക്ക് ഒമ്പത് വര്‍ഷം മുൻപ് കാഴ്ച നഷ്ടപ്പെട്ടിരുന്നു. രണ്ട് കൃഷ്ണമണികളും വെള്ള നിറത്തിലാവുകയും ചെയ്തിരുന്നു. ജൂണ്‍ 26-നാണ് ഇവര്‍ കോവിഷീല്‍ഡ് വാക്‌സിന്‍ ആദ്യ ഡോസ് സ്വീകരിച്ചത്. അടുത്ത ദിവസം തന്നെ, ഒരു കണ്ണിൽ 30 മുതൽ 40 ശതമാനം വരെ കാഴ്ച തിരികെ ലഭിച്ചതായിട്ടാണ് 70-കാരി അവകാശപ്പെടുന്നത്.
Read Also : ശ്രീലങ്കൻ താരങ്ങൾക്കെതിരെ നടപടിയുമായി ബോർഡ്
അതേസമയം, വാക്‌സിന്‍ സ്വീകരിച്ചത് മൂലമാണോ കാഴ്ച തിരികെ ലഭിച്ചതെന്ന കാര്യത്തില്‍ യാതൊരു ഔദ്യോഗിക സ്ഥിരീകരണവുമില്ല. കാഴ്ച തിരികെ ലഭിച്ചതും വാക്‌സിനേഷനുമായി ബന്ധമില്ലെന്നാണ് ഡോക്ടര്‍മാര്‍ വ്യക്തമാക്കുന്നത്.
Post Your Comments