ഭോപ്പാല്‍: ഭാര്യയും ഭര്‍ത്താവും വഴക്കുകൂടുമ്ബോള്‍, ഭാര്യയെ വില്‍ക്കന്ന ആചാരം. ജഗ്ധ പ്രദ എന്നറിയപ്പെടുന്ന ആചാരത്തിന്റെ പേരിൽ ഭാര്യയെ വിൽക്കാൻ ശ്രമം. . രാജസ്ഥാനുമായി അതിര്‍ത്തി പങ്കിടുന്ന രാജ്ഗഡിലെ ഗുണയിലാണ് സംഭവം. ഗോപാല്‍ ഗുര്‍ജാര്‍ വ്യക്തിയാണ് കുടുംബത്തിന്‍റെ സമ്മതത്തോടെ 50,000 രൂപക്ക് ഭാര്യ ലദോബായ്യെ വില്‍ക്കാന്‍ ശ്രമിച്ചത്. വിസമ്മതിച്ചതോടെ യുവതിയെ ഭര്‍ത്താവും ബന്ധുക്കളും കിണറ്റിലെറിഞ്ഞു. ഗ്രാമത്തിലെ കാവല്‍ക്കാരന്‍ യുവതിയെ രക്ഷപ്പെടുത്തി.
വഴക്കിനെ തുടർന്ന് ഒരു കൂട്ടർക്ക് ഇയാൾ ഭാര്യയെ വിൽക്കാം എന്ന് കാരാർ ചെയ്തു. 50,000 രൂപ ഇയാള്‍ കൈപ്പറ്റുകയും ചെയ്തു. തുടര്‍ന്ന്, പണം നല്‍കിയവര്‍ക്കൊപ്പം പോകാന്‍ യുവതിയെ ഭര്‍ത്താവും കുടുംബവും നിര്‍ബന്ധിക്കുകയായിരുന്നു. ഇതിന് യുവതി വിസമ്മതിച്ചതോടെ കുടുംബം കിണറ്റിലെറിയുകയായിരുന്നു. സംഭവം ശ്രദ്ധയില്‍പ്പെട്ട ഉടന്‍ ഗ്രാമത്തിലെ കാവല്‍ക്കാരന്‍ സ്ഥലത്തെത്തുകയും ഗ്രാമവാസികളുടെ സഹായത്തോടെ യുവതിയെ കരയ്ക്ക് കയറ്റുകയുമായിരുന്നു.
read also: കേരള വികസനത്തിന് ഊന്നല്‍ നല്‍കി കേന്ദ്രം, ഭാരത് മാലാ പ്രോജക്ടില്‍ വരുന്നത് 11 അത്യാധുനിക റോഡുകള്‍
വീട്ടില്‍ മൂന്നുപേര്‍ വന്നിരുന്നതായും ഞായറാഴ്ച ഗോപാല്‍ ഗുര്‍ജാറുമായി കരാര്‍ ഉറപ്പിച്ചതായും യുവതി പൊലീസിനോട് പറഞ്ഞു. അവര്‍ക്കൊപ്പം പോകാന്‍ തന്നെ നിര്‍ബന്ധിച്ചു. തുടര്‍ന്ന് ഭര്‍തൃമാതാവ് രമതി ബായ്യും ഭര്‍ത്താവ് ഗോപാലും തന്നെ തൊട്ടടുത്ത കിണറ്റിലെറിയുകയായിരുന്നുവെന്നും പോലീസിനോട് യുവതി പറഞ്ഞു
Post Your Comments