ചങ്ങരംകുളം: ഓൺലൈൻ ക്ലാസിന്റെ മറവിൽ വിദ്യാർത്ഥിയ്ക്ക് അശ്ലീല ചിത്രങ്ങളയച്ച വ്യാജ അധ്യാപകൻ അറസ്റ്റിൽ. വളാഞ്ചേരി എടയൂർ സ്വദേശി പനച്ചിക്കൽ ഹൗസ് മുഹമ്മദ് സാലിഹാണ് അറസ്റ്റിലായത്. ചങ്ങരംകുളം പോലീസാണ് ഇയാളെ അറസ്റ്റ് ചെയ്തത്. 12കാരനായ വിദ്യാർത്ഥിയ്ക്കാണ് ഇയാൾ അശ്ലീല ചിത്രങ്ങൾ അയച്ചത്.
അധ്യാപകനാണെന്ന് തെറ്റിദ്ധരിപ്പിച്ചാണ് ഇയാൾ വിദ്യാർത്ഥിയുമായി വാട്ട്സപ്പിൽ സൗഹൃദം സ്ഥാപിച്ചത്. പിന്നീട് ഇയാൾ വിദ്യാർത്ഥിയുടെ ഫോണിലേക്ക് അശ്ലീല ചുവയുള്ള മെസേജുകളും ഫോട്ടോയും അയച്ചു. ഇത് മാതാപിതാക്കളുടെ ശ്രദ്ധയിൽപ്പെട്ടു. തുടർന്ന് ഇവർ വിവരം ചൈൽഡ് ലൈൻ പ്രവർത്തകരെ അറിയിച്ചു. ചൈൽഡ് ലൈൻ നൽകിയ പരാതിയിലാണ് പോലീസ് കേസെടുത്തത്.
Post Your Comments