ജയ്പുര്‍: കോള്‍ ചെയ്യുന്നതിനിടെ ബ്ലൂടൂത്ത് ഇയര്‍ഫോണ്‍ പൊട്ടിത്തെറിച്ച് യുവാവ് മരിച്ചു. രാജസ്ഥാനിലെ ജയ്പുര്‍ ജില്ലയിൽ ഉദയ്പുരിയ ഗ്രാമത്തിലെ ചൗമു സ്വദേശിയായ രാകേഷ് നഗറിനാണ് ദാരുണമായ അന്ത്യം സംഭവിച്ചതെന്ന് ടൈംസ് നൗ റിപ്പോര്‍ട്ട് ചെയ്തു. പൊട്ടിത്തെറിക്ക് പിന്നാലെ, ഇരുചെവികള്‍ക്കും പരിക്കേറ്റ രാകേഷ് ഹൃദയാഘാതത്തെ തുടര്‍ന്നാണ് മരിച്ചത്.
വയര്‍ലെസ് ഇയര്‍ഫോണില്‍ സംസാരിക്കവേ, ഉപകരണം പൊട്ടിത്തെറിക്കുകയും യുവാവ് അബോധാവസ്ഥയിലാവുകയും ചെയ്യുകയായിരുന്നു. ഇരുചെവികള്‍ക്കും സാരമായി പരിക്കേറ്റ യുവാവിനെ ആശുപത്രിയിലെത്തിച്ചെങ്കിലും ചികിത്സക്കിടെ ഹൃദയാഘാതത്തെ തുടർന്ന് മരണത്തിന് കീഴടങ്ങുകയായിരുന്നു.
Post Your Comments