സംസ്ഥാനം ഭരിച്ച മുൻ മുഖ്യമന്ത്രിയുടെ സഹോദര ഭാര്യ തെരുവിൽ അലയുന്നു: കണ്ണുതള്ളി ജനങ്ങൾ

കൊൽക്കത്ത: മുൻ പശ്ചിമബംഗാൾ മുഖ്യമന്ത്രി ബുദ്ധദേവ് ഭട്ടാചാര്യയുടെ സഹോദരഭാര്യ പശ്ചിമ ബംഗാളിലെ നോർത്ത് 24 പരാഗണസ് ജില്ലയിലെ ബരാബസാർ പ്രദേശത്തുള്ള ഡൺലോപ്പിന്റെ തെരുവുകളിൽ ഫുട്‌പാത്തിൽ ഉറങ്ങി അലഞ്ഞുനടക്കുന്നു. 10 വർഷത്തിലേറെ ബംഗാൾ സർക്കാർ ഭരിച്ച നേതാവായിരുന്നു ബുദ്ധദേവ് ഭട്ടാചാര്യ.

Also Read: ആര്‍ടിപിസിആര്‍ ടെസ്റ്റ് വര്‍ധിപ്പിക്കും: ആന്റിജന്‍ ടെസ്റ്റ് അടിയന്തര ചികിത്സയ്ക്ക് മാത്രം

ഭട്ടാചാര്യയുടെ സഹോദരഭാ​ര്യ ഇറ ബസു വെെറോളജിയിൽ പി.എച്ച്.ഡി നേടിയിട്ടുണ്ട്. കൂടാതെ ഇംഗ്ലീഷും ബംഗാളിയും നന്നായി സംസാരിക്കും. അവർ ഒരു സംസ്ഥാന തല അത്‍ലറ്റായിരുന്നു, ടേബിൾ ടെന്നീസും ക്രിക്കറ്റും കളിച്ചിരുന്നു. പശ്ചിമ ബംഗാളിലെ നോർത്ത് 24 പർഗാനാസ് ജില്ലയിലെ പ്രിയനാഥ് ഗേൾസ് ഹൈസ്‌കൂളിലെ ലൈഫ് സയൻസസ് അദ്ധ്യാപികയായിരുന്ന ഇറാ ബസു ബുദ്ധദേവ് ഭട്ടാചാര്യയുടെ ഭാര്യ മിറയുടെ സഹോദരിയാണ്.

രണ്ട് വർഷമായി അവൾ ഫുട്‌പാത്തിൽ താമസിക്കുന്നു. ഇറാ ബസുവിന്റെ ഇപ്പോഴത്തെ ജീവിതസാഹചര്യങ്ങളെക്കുറിച്ചുള്ള വാർത്തകൾ സോഷ്യൽ മീഡിയയിൽ വൈറലായതോടെ, ഡൻലോപ് പ്രദേശത്ത് നിന്ന് ബാരനഗർ പൊലീസ് സ്റ്റേഷനിലേക്ക് അവളെ കൊണ്ടുപോകാൻ ഭരണകൂടം ഖർദ നഗരസഭയിൽ നിന്ന് ആംബുലൻസ് അയച്ചു. വൈദ്യപരിശോധനയ്ക്കും ചികിത്സയ്ക്കുമായി അവരെ കൊൽക്കത്തയിലെ ഒരു ആശുപത്രിയിലേക്ക് കൊണ്ടുപോയി.