ദുബായ് : ആഗോള കോവിഡ് വാക്സിനേഷൻ റാങ്കിംഗിൽ യുഎഇ മുൻപന്തിയിൽ. കോവിഡ് -19 വാക്സിൻ സ്വീകരിച്ച രാജ്യങ്ങളിൽ യുഎഇ ആഗോളതലത്തിൽ ഒന്നാം സ്ഥാനത്താണ്. ‘രാജ്യത്തെ ജനസംഖ്യയുടെ 91 ശതമാനം പേർക്കും കോവിഡ് -19 പ്രതിരോധ കുത്തിവയ്പ്പിന്റെ ഒരു ഡോസ് ലഭിച്ചിട്ടുണ്ട്’ , യുഎഇ ആരോഗ്യ മേഖലയുടെ ഔദ്യോഗിക വക്താവ് ഡോ ഫരീദ അൽ ഹൊസാനി പറഞ്ഞു.
‘രാജ്യത്തെ ജനസംഖ്യയുടെ 80.38 ശതമാനമെങ്കിലും രണ്ട് ഡോസ് വാക്സിൻ എടുത്തിട്ടുണ്ട്, വേൾഡ് ഇൻ ഡാറ്റ പ്രകാരം രണ്ട് ഡോസ് വാക്സിൻ എടുത്തതിൽ യുഎഇ ലോകത്ത് രണ്ടാം സ്ഥാനത്താണുള്ളത് , കൂടാതെ ലോകത്തിലെ അഞ്ചാമത്തെ ഏറ്റവും കുറഞ്ഞ കോവിഡ് -19 മരണനിരക്ക് യു എ ഇയിലാണ്’ , ഡോ ഹൊസാനി വിശദീകരിച്ചു.
രണ്ട് ഡോസ് വാക്സിൻ സ്വീകരിച്ചതിൽ 81.2 ശതമാനവുമായി പോർച്ചുഗൽ ആഗോളതലത്തിൽ ഒന്നാം സ്ഥാനത്താണ്, അതേസമയം 87 ശതമാനം വാക്സിൻ ഒറ്റ ഡോസ് ലഭിച്ച ആളുകളുടെ കാര്യത്തിൽ യുഎഇക്ക് പിന്നിൽ പോർച്ചുഗൽ രണ്ടാം സ്ഥാനത്താണ്.
‘വേൾഡ് ഇൻ ഡാറ്റ പ്രകാരം, ദശലക്ഷത്തിലധികം ജനസംഖ്യയുള്ള രാജ്യങ്ങളിൽ കൊറോണ വൈറസ് പരിശോധനകളുടെ കാര്യത്തിൽ യുഎഇ ലോകത്ത് മൂന്നാം സ്ഥാനത്താണ്. പകർച്ചവ്യാധിയുടെ ആരംഭം മുതൽ സെപ്റ്റംബർ 12 വരെ നടത്തിയ പരിശോധനകൾ ഇതിൽ ഉൾപ്പെടുന്നു’, ‘ഡോ ഹൊസാനി പറഞ്ഞു.
Post Your Comments