Latest NewsUAENewsGulf

ദുബായിലെ റോഡുകളുടെ പേര് മാറ്റാനൊരുങ്ങി പുതിയ റോഡ് നാമകരണ സമിതി

ദുബായ് : ദുബായ് കിരീടാവകാശിയും ദുബായ് എക്സിക്യൂട്ടീവ് കൗൺസിലിന്റെ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം 2021 ലെ എക്സിക്യൂട്ടീവ് കൗൺസിൽ പ്രമേയ നമ്പർ (35) പ്രകാരം ദുബായ് റോഡ് നാമകരണ സമിതി രൂപീകരിച്ച് എമിറേറ്റിലെ റോഡുകളുടെ പേരുമാറ്റുന്നതിനുള്ള ശുപാർശകൾ നൽകും.

Read Also : പ്രവാസി തൊഴിലാളികളെ നിയമിക്കുന്നതിനുള്ള ലൈസൻസുകളുടെ കാലാവധി വീണ്ടും നീട്ടി ഒമാൻ  

ദേശീയവും പ്രാദേശികവുമായ സാംസ്കാരിക സ്വത്വവും ചരിത്രവും പൈതൃകവും പ്രോത്സാഹിപ്പിക്കുന്ന തരത്തിലുള്ള പേരുകളാണ് നൽകുക.സമിതിയുടെ മേൽനോട്ടം ദുബായ് മുനിസിപ്പാലിറ്റി ഡയറക്ടർ ജനറലിന്റെ നേതൃത്വത്തിൽ ദുബായ് എക്സിക്യൂട്ടീവ് കൗൺസിലിന്റെ ചെയർമാനായിരിക്കും.പേരിടേണ്ട റോഡുകൾ തിരിച്ചറിയാനും നിർദ്ദിഷ്ട പേരുകൾ ദുബായ് എക്സിക്യൂട്ടീവ് കൗൺസിൽ ചെയർമാന്റെ അംഗീകാരത്തിനായി സമർപ്പിക്കാനും കമ്മറ്റിയെ ചുമതലപ്പെടുത്തിയിട്ടുണ്ട്.

നിലവിലുള്ള റോഡ് പേരുകൾ അവലോകനം ചെയ്യുന്നതിനും അവയുടെ പേരുമാറ്റുന്നതിനുള്ള ശുപാർശകൾ നൽകുന്നതിനും സമിതിക്ക് ഉത്തരവാദിത്തമുണ്ട്. കമ്മിറ്റിക്ക് പൊതുപ്രവർത്തകരിൽ നിന്നും സർക്കാർ ജീവനക്കാരിൽ നിന്നും അവരുടെ ജോലി പൂർത്തിയാക്കാൻ സഹായം തേടാം.

റോഡുകൾക്ക് പേരിടാനുള്ള മാനദണ്ഡങ്ങളും പ്രമേയം വ്യക്തമാക്കുന്നുണ്ട്. ദേശീയവും പ്രാദേശികവുമായ സാംസ്കാരിക സ്വത്വവും ചരിത്രവും പൈതൃകവും പ്രോത്സാഹിപ്പിക്കാനും പ്രാദേശിക, അന്തർദേശീയ വ്യക്തിത്വങ്ങളെ ആദരിക്കാനും മറ്റ് നഗരങ്ങളും രാജ്യങ്ങളുമായി ബന്ധം ആഘോഷിക്കാനും റോഡുകളുടെ പേരുകൾ ഉപയോഗിച്ചേക്കാം.

shortlink

Related Articles

Post Your Comments

Related Articles


Back to top button