Latest NewsNewsInternational

അഫ്‌ഗാനിസ്ഥാനിൽ പള്ളിയിലുണ്ടായ സ്ഫോടനത്തിൽ നിരവധി മരണം : പിന്നിൽ ഐഎസ് തീവ്രവാദികളെന്ന് സംശയം

താലിബാന്‍ വക്​താവ്​ സബീഹുല്ല മുജാഹിദിന്‍റെ മാതാവിന്‍റെ മയ്യത്ത്​ നമസ്​കാരത്തിനിടെയാണ്​ സ്​ഫോടനമുണ്ടായത്

കാബൂള്‍: അഫ്​ഗാനിസ്ഥാനില്‍ പള്ളിയിലുണ്ടായ സ്​ഫോടനത്തില്‍ നിരവധി പേര്‍ മരിച്ചതായി റിപ്പോര്‍ട്ട്​. നിരവധി പേര്‍ക്ക്​ പരിക്കേൽക്കുകയും ചെയ്തു. കാബൂളിലെ ഈദ്​ഗാഹ്​ പള്ളിയിൽ ഉച്ച കഴിഞ്ഞാണ് സ്ഫോടനമുണ്ടായത്​. താലിബാന്‍ വക്​താവ്​ സബീഹുല്ല മുജാഹിദിന്‍റെ മാതാവിന്‍റെ മയ്യത്ത്​ നമസ്​കാരത്തിനിടെയാണ്​ സ്​ഫോടനമുണ്ടായതെന്നാണ്​ റിപ്പോർട്ട്. മരണ സംഖ്യ പുറത്തുവന്നിട്ടില്ല.

ഞായറാഴ്ച രാവിലെ ജലാലബാദി​ലും ആക്രമണമുണ്ടായിരുന്നു. സംഭവത്തില്‍ ഒരു കുട്ടി ഉള്‍പ്പെടെ രണ്ട് പ്രദേശവാസികളും രണ്ട് താലിബാന്‍ സേനാംഗങ്ങളും ഉൾപ്പെടെ നാലു പേര്‍ കൊല്ലപ്പെട്ടിരുന്നു. ആക്രമണത്തിന്‍റെ ഉത്തരവാദിത്തം വ്യക്തികളോ സംഘടനകളോ ഏറ്റെടുത്തില്ല. ഐ.എസിന് ശക്തമായ സ്വാധീനമുള്ള പ്രവിശ്യയിലാണ് സ്ഫോടനം നടന്നത്.

shortlink

Related Articles

Post Your Comments

Related Articles


Back to top button