മയക്കുമരുന്നിനായി രമ്യ വിദേശത്ത് നിന്നെത്തി, കൊല്ലത്ത് നിന്ന് അനിലയും: ജിഹാദിനൊപ്പം കൊച്ചിയിലെ ഫ്‌ളാറ്റിൽ

കൊ​ച്ചി: തൃ​ക്കാ​ക്ക​ര മി​ല്ലു​പ​ടി​യി​ല്‍ ഫ്ളാ​റ്റ് വാ​ട​ക​യ്ക്കെ​ടു​ത്തു മ​യ​ക്കു​മ​രു​ന്നു വിൽപ്പനയും ലഹരി പാർട്ടിയും നടത്തിയ സംഘം അറസ്റ്റിൽ. കൊ​ല്ലം അ​യ​ത്തി​ല്‍ ആ​മി​നാ മ​ന്‍​സി​ലി​ല്‍ ജി​ഹാ​ദ് (30) നടത്തി വന്ന ലഹരി പാർട്ടിയിൽ പങ്കെടുക്കാനെത്തിയത് പ്രമുഖരെന്ന് പോലീസ്. നാ​ലു മാ​സം മു​മ്പ് 20,000 രൂ​പ​യ്ക്ക് ജി​ഹാ​ദ് വാ​ട​ക​യ്ക്കെ​ടു​ത്ത ഈ ഫ്‌​ളാ​റ്റി​ല്‍ ആ​ഡം​ബ​ര വാ​ഹ​ന​ങ്ങ​ളി​ല്‍ ആ​ളു​ക​ള്‍ വ​ന്നു പോ​കാ​റു​ണ്ടാ​യി​രു​ന്നു​വെ​ന്നു നാട്ടുകാർ പൊലീസിന് നൽകിയ രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ 7 പേർ അറസ്റ്റിലായി.

ജിഹാദിന് പുറമെ കൊ​ല്ലം വെ​ള്ളി​മ​ണ്‍ ഇ​ട​വെ​ട്ടം ശൈ​വ​ത്തി​ല്‍ അ​നി​ല (29), നോ​ര്‍​ത്ത് പ​റ​വൂ​ര്‍ പെ​രു​മ്പ​ട​ന്ന സ്വ​ദേ​ശി എ​ര്‍​ലി​ന്‍ (25), നോ​ര്‍​ത്ത് പ​റ​വൂ​ര്‍ പെ​രു​മ്പ​ട​ന്ന തൈ​ക്കൂ​ട്ട​ത്തി​ല്‍ രേ​വ​തി​യി​ല്‍ ര​മ്യ (23), ക​രു​മാ​ലൂ​ര്‍ മ​ന​യ്ക്ക​പ്പ​ടി ക​ലൂ​രി അ​ര്‍​ജി​ത്ത് (24), ഗു​രു​വാ​യൂ​ര്‍ തൈ​ക്കാ​ട് മൂ​ക്ക​ത്തേ​യി​ല്‍ അ​ജ്മ​ല്‍ (24), നോ​ര്‍​ത്ത് പ​റ​വൂ​ര്‍ ചി​റ്റാ​റ്റു​ക​ര മൂ​ല​ന്‍ അ​രു​ണ്‍ (24) എ​ന്നി​വ​രാ​ണ് പിടിയിലായത്.

Also Read:ആര്‍ക്കും നീതി ലഭിക്കാതെ പോകില്ല, ആരെയും നിയമം കയ്യിലെടുക്കാന്‍ അനുവദിക്കുകയുമില്ല: യോഗി ആദിത്യനാഥ്‌

വമ്പൻ സംഘം തന്നെ ഇവർക്ക് പിന്നിൽ ഉണ്ടെന്നാണ് ലഭിക്കുന്ന വിവരം. ഇ​വ​രു​ടെ പ​ക്ക​ല്‍ നി​ന്നും 2.5 ഗ്രാം ​എം​ഡി​എം​എ​യും എ​ല്‍​എ​സ്ഡി സ്റ്റാ​മ്പും ഹാ​ഷ് ഓ​യി​ലും, ഹാ​ഷി​ഷും പോ​ലീ​സ് പി​ടി​ച്ചെ​ടു​ത്തു. ജിഹാദ് ആണ് സംഘത്തിലെ മുഖ്യൻ. മറ്റ് പ്രതികൾക്ക് മ​യ​ക്കു​മ​രു​ന്നു ന​ല്‍​കി​യി​രു​ന്ന​ത് ഒ​ന്നാം പ്ര​തി​യാ​യ ജി​ഹാ​ദാ​യി​രു​ന്നു.

അറസ്റ്റിലായവരിൽ ര​മ്യ എ​ന്ന പ്ര​തി വി​ദേ​ശ​ത്തു കു​ടും​ബ​ത്തോ​ടൊ​പ്പം താ​മ​സി​ക്കു​ന്ന​യാ​ളാ​ണ്. ഇ​വ​ര്‍ വി​ദേ​ശ​ത്തു​നി​ന്ന് എ​ത്തി​യി​ട്ടു കു​റ​ച്ചു ദി​വ​സ​ങ്ങ​ളാ​യി. തൃ​ക്കാ​ക്ക​ര​യി​ലെ ഫ്‌​ളാ​റ്റി​ല്‍ ജി​ഹാ​ദി​നൊ​പ്പം താ​മ​സി​ച്ചു മ​യ​ക്കു​മ​രു​ന്ന് ഉ​പ​യോ​ഗി​ച്ചു​ വ​രി​ക​യാ​യി​രു​ന്നു. മയക്കുമരുന്ന് ഉപയോഗിക്കുന്നതിനായി അനില കൊല്ലത്ത് നിന്നും കൊച്ചിയിലെ ജിഹാദിന്റെ ഫ്‌ളാറ്റിൽ എത്തുകയായിരുന്നു. പ്രതികളെ റിമാൻഡ് ചെയ്തു.