Latest NewsNewsIndia

യു.പിയില്‍ ഇന്ന്​ ആരും സുരക്ഷിതരല്ല, സ്​ത്രീകളും കര്‍ഷകരും മാത്രമല്ല അഭിഭാഷകരും വേട്ടയാടപ്പെടുന്നു: പ്രിയങ്ക ഗാന്ധി

ലഖ്​നോ: യു.പിയില്‍ ഇന്ന്​ ആരും സുരക്ഷിതരല്ലെന്ന് പ്രിയങ്ക ഗാന്ധി. യു.പിയില്‍ ഇന്ന്​ ആരും സുരക്ഷിതരല്ല, സ്​ത്രീകളും കര്‍ഷകരും അഭിഭാഷകര്‍ പോലും സുരക്ഷിതരല്ലെന്ന് കോൺഗ്രസ്‌ നേതാവ് പ്രിയങ്ക ഗാന്ധി പറഞ്ഞു. ഉത്തർപ്രദേശിലെ കോടതിയില്‍ അഭിഭാഷകന്‍ വെടിയേറ്റ്​ മരിച്ചതിന്​ പിന്നാലെയാണ്​ പ്രിയങ്കയുടെ പ്രതികരണം.

Also Read:എന്റെ മരണത്തിനു ഉത്തരവാദി സർക്കാർ ആണ്,സാധാരണ ജനങ്ങളുടെ ജീവിതങ്ങൾ തകർക്കരുത്:കുറിപ്പെഴുതി വെച്ച് ഗൃഹനാഥൻ ആത്മഹത്യ ചെയ്തു

‘നീതിന്യായ നിയമസംവിധാനം ജനാധിപത്യത്തിന്‍റെ അവിഭാജ്യഘടകമാണ്​. ഷാജഹാന്‍പൂരില്‍ പട്ടാപ്പകല്‍ കോടതി പരിസരത്തെ അഭിഭാഷകന്‍റെ ദാരുണ കൊലപാതകം ആരും സുരക്ഷിതരല്ലെന്ന്​ തെളിയിക്കുന്നു. യു.പിയില്‍ ഇന്ന്​ ആരും സുരക്ഷിതരല്ല -സ്​ത്രീകളും കര്‍ഷകരും മാത്രമല്ല, അഭിഭാഷകരും’, പ്രിയങ്കാ ഗാന്ധി ട്വീറ്റ്​ ചെയ്​തു.

ഉത്തർപ്രദേശിലെ ഷാജഹാന്‍പൂരില്‍ ജില്ലാ കോടതി സമുച്ചയത്തിനുള്ളില്‍ വെച്ച്‌​ അഭിഭാഷകനെ വെടിവെച്ച്‌​ കൊലപ്പെടുത്തിയിരുന്നു. ഇത് വലിയ ചർച്ചകൾക്ക് വഴിവച്ചതോടെയാണ് സംഭവത്തിൽ പ്രിയങ്കയുടെ പ്രതികരണം പുറത്തു വന്നത്. കോടതിയുടെ മൂന്നാം നിലയില്‍ വെച്ചാണ്​​ ഭൂപേന്ദ്ര പ്രതാപ്​ സിങ്​ കൊല്ലപ്പെട്ടത്​​​. മൃതദേഹത്തിന്​ സമീപത്ത്​ നിന്ന്​ നാടന്‍ തോക്ക്​ കണ്ടെടുത്തിരുന്നു.

shortlink

Related Articles

Post Your Comments


Back to top button