ThrissurLatest NewsNews

പെട്രോളിൽ വെള്ളം കലർത്തി വിൽപന: സംഘർഷത്തെ തുടർന്ന് പമ്പ് അടച്ചു, സംഭവം കേരളത്തിൽ

വാ​ടാ​ന​പ്പ​ള്ളി: പെ​ട്രോ​ളി​ൽ വെ​ള്ളം ക​ല​ർത്തി വിൽപന നടത്തിയ പമ്പ് നാട്ടുകാർ അടപ്പിച്ചു. ​പ​മ്പി​ൽ​ നി​ന്ന്​ ഇ​ന്ധ​നം നി​റ​ച്ചു​പോ​യ വാ​ഹ​ന​ങ്ങ​ൾ ഒ​രു കി​ലോ​മീ​റ്റ​ർ പോ​യ​പ്പോ​ഴേ​ക്കും നി​ശ്ച​ല​മാ​യതോടെയാണ് സംഭവം വെളിച്ചത്തായത്.

തുടർന്ന് നടത്തിയ പ​രി​ശോ​ധ​ന​യി​ൽ പെ​ട്രോ​ളി​ൽ വെ​ള്ളം ക​ല​ർ​ന്ന​താ​ണെന്ന് മനസ്സിലായത്. ഇതോടെ പെട്രോൾ അടിച്ച് പോയവർ പെ​ട്രോ​ൾ പ​മ്പി​ലെ​ത്തി ബ​ഹ​ളം വെക്കുകയായിരുന്നു. തു​ട​ർ​ന്ന്​ ജീ​വ​ന​ക്കാ​ർ പ​മ്പ് അ​ട​ച്ചു.

ബു​ധ​നാ​ഴ്ച കാ​റി​ൽ പെ​ട്രോ​ൾ നി​റ​ച്ച് തൃ​ശൂ​രി​ലേ​ക്ക്​ ജോ​ലി​ക്ക് പോ​വു​ക​യാ​യി​രു​ന്ന ത​ളി​ക്കു​ളം സ്വ​ദേ​ശി സു​നീ​ഷിന്റെ വാ​ഹ​നം ക​ണ്ട​ശാം​ക​ട​വി​ൽ എ​ത്തി​യ​തോ​ടെ നി​ശ്ച​ല​മാ​യി. തു​ട​ർ​ന്ന് മെ​ക്കാ​നി​ക്കി​നെ വി​ളി​ച്ചു​വ​രു​ത്തി ന​ട​ത്തി​യ പ​രി​ശോ​ധ​ന​യി​ലാ​ണ് പെ​ട്രോ​ളി​ൽ കൂ​ടു​ത​ലും വെ​ള്ള​മാ​ണെ​ന്ന് ക​ണ്ടെ​ത്തി​യ​തെ​ന്ന് സു​നീ​ഷ് പ​റ​ഞ്ഞു. ഇ​തേ തു​ട​ർ​ന്ന് പെ​ട്രോ​ൾ പ​മ്പി​ൽ ബ​ന്ധ​പ്പെ​ട്ട​പ്പോ​ൾ കാ​ര​ണം അ​റി​യി​ല്ലെ​ന്ന മ​റു​പ​ടി​യാ​ണ് ല​ഭി​ച്ച​ത്.

ഇ​തേ പ്ര​ശ്നം ചൂ​ണ്ടി​ക്കാ​ട്ടി മ​റ്റു ചി​ല ആ​ളു​ക​ളും ഇതേസമയം ത​ന്നെ പ​മ്പി​ലെ​ത്തി ബ​ഹ​ളം വ​ച്ചു. തു​ട​ർ​ന്ന് പെ​ട്രോ​ൾ പ​മ്പിന്റെ പ്ര​വ​ർ​ത്ത​നം താ​ൽ​ക്കാ​ലി​ക​മാ​യി നി​ർ​ത്തി​വെ​ക്കു​ക​യാ​യി​രു​ന്നു.

 

shortlink

Related Articles

Post Your Comments

Related Articles


Back to top button