ന്യൂഡല്‍ഹി: വിവാഹിതയായ യുവതിയോട് ഭർത്താവിനെ ഉപേക്ഷിച്ചു വരൻ നിർബന്ധിച്ചു കാമുകൻ. ഇത് നിരസിച്ച യുവതിയുടെ ദേഹത്ത് കാമുകന്‍ ആസിഡ് ഒഴിച്ചു. ഗുരുതരമായി പൊള്ളലേറ്റ യുവതി ആശുപത്രിയില്‍ ചികിത്സയിലാണ്. 26 വയസുകാരിയ്ക്ക് നേരെ ആസിഡ് ഒഴിച്ച അയൽവാസി അറസ്റ്റിൽ. ഡല്‍ഹി ബാവനയിലാണ് സംഭവം.
23 വയസുള്ള മോണ്ടു എന്ന യുവാവ് വിവാഹിതയായ യുവതിയെ വിവാഹ അഭ്യര്‍ഥന നടത്തി നിരന്തരം ശല്യം ചെയ്യുമായിരുന്നു. ശല്യം സഹിക്കാനാവാതെ യുവതിയും കുടുംബവും വീട് മാറി. സംഭവ ദിവസം യുവതിയുടെ വീടിനടുത്തെത്തിയ മോണ്ടു യുവതിയോട് ഭര്‍ത്താവിനെ ഉപേക്ഷിച്ച്‌ തനിക്കൊപ്പം വരാന്‍ ആവശ്യപ്പെട്ടു. എന്നാൽ യുവതി ഇത് നിരസിച്ചതോടെ കൈകള്‍ പിന്നില്‍ കെട്ടിയ ശേഷം യുവതിയുടെ ദേഹത്തേക്ക് ആസിഡ് ഒഴിക്കുകയായിരുന്നു യുവാവ്. യുവതിയുടെ മൊഴിയുടെ അടിസ്ഥാനത്തില്‍ ബീഹാറിലെ ബക്സറില്‍ നിന്നാണ് മോണ്ടുവിനെ അറസ്റ്റ് ചെയ്തത്.
Post Your Comments