കൊല്ലം : ഫോൺ സംഭാഷണത്തിനിടെ പ്രതിശ്രുത വരനുമായി പിണങ്ങിയതിനെ തുടർന്ന് യുവതി ജീവനൊടുക്കി. പായിക്കുഴി സ്വദേശി സുമയ്യ(18)ആണ് മരിച്ചത്. കഴുത്തിൽ കുരുക്കിടുന്ന ചിത്രങ്ങൾ വാട്ട്സാപ്പിൽ പ്രതിശ്രുത വരന് അയച്ച് കൊടുത്ത ശേഷമാണ് യുവതി ജനൽ കമ്പിയിൽ തൂങ്ങി മരിച്ചത്.
ഇന്നലെ വൈകുന്നേരം നാല് മണിയോടെയായിരുന്നു സംഭവം നടന്നത്. പെൺകുട്ടിയുടെ പിതാവിന്റെ സഹോദരൻ റഹിം രണ്ട് ദിവസം മുൻപാണ് മരിച്ചത്. മരണാനന്തര ചടങ്ങുകൾ നടക്കുമ്പോൾ വിദേശത്ത് നിന്നും യുവാവ് പെൺകുട്ടിയെ ഫോണിൽ വിളിക്കുകയും പെൺകുട്ടി ഫോണിൽ സംസാരിച്ച് കൊണ്ട് സമീപത്തെ സ്വന്തം വീട്ടിലെ മുറിക്കുള്ളിലേക്ക് കയറുകയുമായിരുന്നു. സംസാരത്തിനിടയിൽ ഇരുവരും പിണങ്ങിയതോടെയാണ് യുവതി കുരുക്കിടുന്ന ചിത്രങ്ങൾ യുവാവിന് വാട്ട്സാപ്പിൽ അയച്ച് കൊടുത്തത്.
Read Also : പീഡനക്കേസ് പ്രതി വിമാനത്താവളത്തിൽ വെച്ച് പിടിയിലായി
ഭയന്ന് പോയ യുവാവ് ഉടൻ തന്നെ ബന്ധുക്കളെയും പൊലീസിനെയും വിളിച്ച് വിവരമറിയിച്ചു. ബന്ധുക്കൾ വീട്ടിലെത്തിയപ്പോഴേക്കും സുമയ്യ മരിച്ചിരുന്നു. കഴിഞ്ഞ വർഷം പ്ലസ്ടു പാസായ സുമയ്യയും മേമന സ്വദേശിയായ യുവാവും പഠനകാലത്തെ പ്രണയമായിരുന്നു. മൂന്ന് മാസം മുമ്പാണ് ഇവരുടെ വിവാഹം നിശ്ചയിച്ചത്. സംഭവത്തിൽ പെൺകുട്ടിയുടെ മൊബൈൽഫോൺ സൈബർസെല്ലിന്റെ സഹായത്തോടെ പരിശോധിച്ച് വരികയാണ്.
Post Your Comments