സ്​കൂൾ തുറന്നിട്ട്​ രണ്ടാഴ്​ച : കോവിഡ്​ ബാധയെ തുടർന്ന് ജില്ലയിൽ മാത്രം അടച്ചത്​ ഒമ്പത്​ സ്​കൂളുകൾ

കൊ​ല്ലം: സം​സ്ഥാ​ന​ത്ത്​ സ്​​കൂ​ളു​ക​ൾ തു​റ​ന്നി​ട്ട്​ ര​ണ്ടാ​ഴ്​​ച പിന്നിടുമ്പോൾ കൊല്ലം ജി​ല്ല​യി​ൽ മാത്രം കോവിഡ് കാരണം അടച്ചിടേണ്ടി വന്നത് ഒമ്പത് സ്കൂളുകൾ. അ​ധ്യാ​പ​ക​ർ​ക്ക്​ കോ​വി​ഡ്​ സ്ഥി​രീ​ക​രി​ച്ചത് മൂലമാണ് സ്​​കൂ​ളു​കൾക്ക്​ സ​മ്പ​ർ​ക്ക​വി​ല​ക്കും അ​ട​ച്ചി​ട​ലും ന​ട​പ്പാ​ക്കേണ്ടി വന്നത്. പ്രൈ​മ​റി സ്​​കൂ​ളു​ക​ൾ പൂ​ർ​ണ​മാ​യും അടച്ചു. എന്നാൽ മ​റ്റ്​ ത​ല​ത്തിലെ സ്​​കൂ​ളു​ക​ളി​ൽ അ​താ​ത്​ അ​ധ്യാ​പ​ക​ർ ഇ​ട​പ​ഴ​കി​യ ക്ലാ​സു​ക​ളാണ്​ അ​ട​ച്ച​ത്.

മാത്രമല്ല ചി​ല​യി​ട​ങ്ങ​ളി​ൽ കു​ട്ടി​ക​ൾ​ക്ക്​ കോ​വി​ഡ്​ സ്ഥി​രീ​ക​രി​ച്ച​തി​നെ തു​ട​ർ​ന്ന്​ ക്ലാ​സി​ലെ മ​റ്റ്​ വി​ദ്യാ​ർ​ഥി​ക​ളെ ​ക്വാ​റ​​ന്റീനി​ലാ​ക്കേണ്ടിയും വന്നിട്ടുണ്ട്. അതേസമയം ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നും കോ​വി​ഡ്​ സാ​ഹ​ച​ര്യ​ത്തി​ലെ സ്വാ​ഭാ​വി​ക രോ​ഗ​പ്പ​ട​ർ​ച്ച​യാ​ണ്​ അ​ധ്യാ​പ​ക​രി​ൽ റി​പ്പോ​ർ​ട്ട്​ ചെ​യ്​​ത​തെ​ന്നും വി​ദ്യാ​ർ​ഥി​ക​ൾ​ക്ക്​ രോ​ഗം ബാ​ധി​ച്ച സം​ഭ​വ​ങ്ങ​ൾ വ​ള​രെ കു​റ​വാ​ണെ​ന്നും ജി​ല്ല വി​ദ്യാ​ഭ്യാ​സ ഉ​പ​ഡ​യ​റ​ക്​​ട​ർ സു​ബി​ൻ പോ​ൾ വ്യ​ക്ത​മാ​ക്കി.

Read Also : മാ​താ​വി​നെ അ​സ​ഭ്യം വി​ളി​ക്കു​ന്ന​ത് ചോ​ദ്യം​ചെ​യ്ത യു​വ​തി​യെ ആ​ക്ര​മി​ച്ചു : യു​വാ​വ് അ​റ​സ്​​റ്റി​ൽ

അ​തേ​സ​മ​യം, നി​യ​ന്ത്ര​ണ​ങ്ങ​ളി​ലാ​യ സ്​​കൂ​ളു​ക​ൾ ഉ​ൾപ്പെടെ തി​ങ്ക​ളാ​ഴ്​​ച തു​റ​ക്കാനാണ് തീരുമാനം. ഒ​മ്പ​താം ക്ലാ​സ്​ വി​ദ്യാ​ർ​ഥി​ക​ളും എ​ത്തു​ന്ന​തോ​ടെ സ്​​കൂ​ളു​ക​ളി​ൽ പൂ​ർ​ണ​തോ​തി​ൽ ക്ലാ​സു​ക​ൾ മു​ന്നോ​ട്ടു​പോ​കും. ര​ണ്ട്​ ബാ​ച്ചു​ക​ളാ​യി ബ​യോ ബ​ബ്​​ൾ ഉ​ൾ​പ്പെ​ടെ കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ്​ ഒ​മ്പ​താം ക്ലാ​സു​കാ​രും എ​ത്തു​ന്ന​ത്. ഇ​തു​വ​രെ ന​ട​ന്ന ക്ലാ​സു​ക​ളി​ൽ എ​ച്ച്.​എ​സ്​ വി​ഭാ​ഗ​ത്തി​ലാ​ണ്​ കൂ​ടു​ത​ൽ വി​ദ്യാ​ർ​ഥി​ക​ൾ എ​ത്തി​യ​തെന്നും അദ്ദേഹം പറഞ്ഞു.

ചെ​റി​യ ക്ലാ​സു​ക​ളി​ൽ താ​ര​ത​മ്യേ​ന ഹാ​ജ​ർ കു​റ​വാ​ണ്. എ​ച്ച്.​എ​സി​ലെ നി​ല​വി​ലെ സ്ഥി​തി​ക്ക്​ അ​നു​സൃ​ത​മാ​യി ഒ​മ്പ​താം ക്ലാ​സി​ലും വി​ദ്യാ​ർ​ഥി​ക​ൾ എ​ത്തു​മെ​ന്നാ​ണ്​ വി​ദ്യാ​ഭ്യാ​സ വ​കു​പ്പ്​ ക​ണ​ക്കു​കൂ​ട്ടു​ന്ന​ത്. വി​ദ്യാ​ർ​ഥി​ക​ളി​ൽ​ നി​ന്നും ര​ക്ഷാ​ക​ർ​ത്താ​ക്ക​ളി​ൽ ​നി​ന്നു​മു​ള്ള സ​ഹ​ക​ര​ണം മി​ക​ച്ച​താ​ണെ​ന്നും ഇ​തു​വ​രെ​യു​ള്ള കോ​വി​ഡ്​ മാ​ന​ദ​ണ്ഡം പാ​ലി​ച്ചു​ള്ള പ്ര​വ​ർ​ത്ത​ന​ങ്ങ​ൾ തൃ​പ്​​തി​ക​ര​മാ​ണെ​ന്നും സു​ബി​ൻ പോ​ൾ കൂട്ടിച്ചേർത്തു.