ആരോഗ്യ രംഗത്ത് കേരളത്തിന് വീണ്ടും തിരിച്ചടി, അമിതവണ്ണവും കുടവയറും ദേശീയ ശരാശരിയേക്കാള്‍ കൂടുതല്‍

ന്യൂഡല്‍ഹി : ആരോഗ്യരംഗത്ത് സാക്ഷര കേരളത്തിന് വീണ്ടും തിരിച്ചടി. മലയാളികളുടെയിടയില്‍ അമിതവണ്ണവും കുടവയറുംദേശീയ ശരാശരിയേക്കാള്‍ കൂടുതലാണെന്ന് കേന്ദ്ര ആരോഗ്യ കുടുംബക്ഷേമ വകുപ്പ് സര്‍വേ റിപ്പോര്‍ട്ട് . 2019-2020-ലെ സര്‍വ്വേ പ്രകാരം കേരളത്തിലെ സ്ത്രീകളില്‍ 15-നും 49-നും ഇടയില്‍ പ്രായമുള്ളവരില്‍ 38.1% പേര്‍ അമിതവണ്ണമുള്ളവരാണ്. ദേശീയ ശരാശരിയാകട്ടെ 24 ശതമാനവും. കുടവയറിന്റെ കാര്യത്തിലും കേരളം മുന്നിലാണ് ദേശീയ തലത്തില്‍ 56.7% സ്ത്രീകളും 47.7% പുരുഷന്മാരുമാണ് കുടവയറുള്ളവര്‍. കേരളത്തില്‍ 70.7% സ്ത്രീകള്‍ക്കും കുടവയറുണ്ട്. 56.8% പുരുഷന്മാരാണ് കുടവയറന്മാര്‍.

Read Also : കമ്യൂണിസ്റ്റ് കുടുംബത്തിൽ വളർന്നുവന്ന തനിക്ക് ഇത് ഞെട്ടൽ ഉണ്ടാക്കി: അനുപമ

സ്റ്റിറോയ്ഡ് മരുന്നുകള്‍, മാനസികാസ്വസ്ഥ്യങ്ങള്‍ക്കുള്ള ചിലതരം മരുന്നുകള്‍ തുടങ്ങിയവ വിശപ്പു കൂട്ടുകയും കുടവയറിലേക്കു നയിക്കുകയും ചെയ്യും. അമിതമായ പുരിമുറുക്കത്തിന്റെ ഫലമായി ഉണ്ടാകുന്ന സ്‌ട്രെസ് ബെല്ലി, ഹോര്‍മോണ്‍ തകരാറുകള്‍ കൊണ്ടുണ്ടാകുന്ന കുടവയര്‍ എന്നിവയുമുണ്ട്. മദ്യപാനവും പുകവലിശീലവും കുടവയറിലേക്കു നയിക്കുന്ന മറ്റു കാരണങ്ങളാണ്